Responsive Ad Slot

Pu Dr. Chaltonlien Amo, Tipaimukh MLA in Manipur Legislative Assembly Hall ah Pherzawl District chungchang a khek pui

Friday, February 22, 2019

/ Posted by VIRTHLI HMAR
IMPHAL, February 22, 2019, Virthli (ONP): 7th Session of  11th Manipur Legislative Assembly nei mek a Manipur Governor  Dr. Najma Heptulla in February 20, 2019 a Assembly session hawngna le thuhrilna a nei huna Pherzawl District hmasawnna dinga Central le State hnuoia development scheme chi tum tum district dangin an dawng lai a Pherzawl district in a chang ve lo le Pherzawl district chungchang iengkhawm hrillang lova a um chu Pu Dr. Chaltonlien Amo, Tipaimukh MLA chun pawi a ti thu hrilin February 21, 2019 khan Assembly Hall ah Governor a thuhril le inzawmin amendment thaw dingin a move ve.

Pu Dr. Chaltonlien Amo, MLA in amendment a move huna hin Pherzawl district sungah Hill Areas Development Programmes (HADP) pek ve a ni naw thu, Tamenglong le Noney district hai angin HADP hi Hill district thar hai abikin Pherzawl district ah pek ni ve sien ti a hril a. Parbung a helicopter service a um naw thu, lampui siemthatna ding thu hai, Department of Youth Affairs and Sports hnuoia programme iengkhawm a um ve naw thu le district piengthar Pherzawl district in infrastructure development iengkhawm hmu a la nei naw thu hai a hril.


Hi huna hin Pu Biren Singh, Hon’ble Chief Minister, Manipur chun Pu Dr. Chaltonlien Amo, Tipaimukh MLA a phutna le indawnna a siem hai dawnin Hill Areas Development Programmes (HADP) hi Central sawrkar in Hill Areas hai suk hmasawnna dinga hieng ang development programme hi an duong a ni thu, Tamenglong le Noney District a HADP hnuoi ah 90 crores pek an ni thu hrilin  district piengthar -Pherzawl District in HADP hi phase nawk huna a hmu ngei theina dinga hma a lak ding thu a hril a. An hma tienga Helicopter service khawm a um vat ding thu a hril. A hril pei na a chun  Khelo India scheme hnuoia programme dang dang umhai chu Pherzawl district a Sports tieng pang khawm an chang ve dan dinga hma lak a ni ding thu le infrastructure khawm a tul le a pawimaw hai ngaituo pei a ni ding thuhai a hril.

Dr. Chaltonlien Amo in Pherzawl Disrict ‘Pa’a nina anga District hmasawnna dinga Sawrkar scheme/programme a tam thei anga lak lut ani na dinga a MOVE leia CM in thaw dinga HOUSE a an tiemna (assurance) a pekhai sukpuitling a ni ngei theina dinga hma a lak zawm ding thu Pu Dr. Amo in Virthli Palai a hril.

Don't Miss
© all rights reserved
made with by Simon L Infimate