~ Jami Darngawn
Nikhat chu thlarauva ka laihrui inzawmpui ti el inla nuhmei pakhat chun ka zakuo a mi hni a, kei chun "I hak thei ding ka nei hmel naw ngei, dawra inchaw pek lem ka che" ka ti leh ama chun "I ta ngei kha ka dit a nih" a ti tlat lei chun ka ta ngei chu ka pek tah a, ka pek lai zing chun ka lungril a chun "Kei i mi pek a nih" ti'n chieng takin a hung inri a, chu taka chun ka thuomhnaw dit lai ngei pakhat chu ka ruolnu ka la pek sa nawk a "Nang ka pek naw che" ka tia ama khawm chun a hrietthiem hle a nih.
Chutak a'nthawk chun ka lungrila ka tawnhriet dang pakhat a hung inlang vang vang tah a, ka bau ngei khawmin hi thu hi kan Biekin ah ka lo hril tah a, chun ka lo ziek/post ta bawk a nih. Sienkhawm Lalpa ropuina dingin hung suklang nawk ka tih.
Kum 2013 niin ka hrieta tûk khat chu Pathien kuomah ka țawngțaia "Aw Lalpa ni tin I thu le hla haiin I mi pawl hlaka ka lawm em ema inhawi khawm ka tih, vawisun ruok chu I hmel a takin ka hmu nuom a nih, I hmel min hmu tir rawh aw ?" ka ti ve tawp a, sun a chun ka insung sin le ka nauhai ka buoipui rak rak lai chun kan in ah ni dang la hung ngai lo nupui pakhat hi a hunga, an harsat ziet hai hrilin thuomhnaw puonbi inkhawmna a bi ding a mi hni el tah a, ka lungril chun "Ka mi hriet ngai khawm ni lo, chu nu chuh thutak a hril khawm a ni naw el theia mi țha naw dam ning a ta aw!" ti pum chun lungawinaw deu chun ka puonbi laia a țha bek naw pawl chu pek ka tum tah a, chuonga lungril ka nei lai ka puonhai ka hang en kuol vel lai chun ka lungrila chieng em em in "Ka hmu nuom che i tih a, kei ka ni kha" A hung ti tah ! Chu tak a chun zingkara ka țawngțaina kha ka hriet suok thut a "Aw Lalpa nang ngei I lo ni maw? I hmel chu a va mak de aw !!! " ti pum chun ka puonbi laia a țha pawla ka nei ve sun hai laia pakhat chu ka pek tah a nih.
Awleh, unau ditumtak ei Lalpa hmel hi a lo mak thei ngei maw! Pasie le hmusit um takin ni tin ei kuomah a hung hlak an nawm ie, hriethiem lovin vawi iengzam Lalpa Pathien ka/ei lo hnawl hlak ding ti chu ka lungrila a lien em ema ei fimkhur hle a țul tak zet a nih.
Matthai 25:
35. Ka phîng a țamin nangnîn fâk ding in mi pêk a, ka dang a chârin dawn ding in mi pêk a; mikhuol ka nîn in mîn tlung tir a;
36. Saruok ka niin puon in mîn sil tir a; damnawa ka umin in mi kan a, lunginah ka umin in hung sir a,' la tîng a tih.
Pathien hmel hrie zing puma Ama dit dan ang taka A rawng ei bawl theina dingin A thutak ei hung suklang chu Lalpa'n malsawm raw seh.
Nikhat chu thlarauva ka laihrui inzawmpui ti el inla nuhmei pakhat chun ka zakuo a mi hni a, kei chun "I hak thei ding ka nei hmel naw ngei, dawra inchaw pek lem ka che" ka ti leh ama chun "I ta ngei kha ka dit a nih" a ti tlat lei chun ka ta ngei chu ka pek tah a, ka pek lai zing chun ka lungril a chun "Kei i mi pek a nih" ti'n chieng takin a hung inri a, chu taka chun ka thuomhnaw dit lai ngei pakhat chu ka ruolnu ka la pek sa nawk a "Nang ka pek naw che" ka tia ama khawm chun a hrietthiem hle a nih.
Chutak a'nthawk chun ka lungrila ka tawnhriet dang pakhat a hung inlang vang vang tah a, ka bau ngei khawmin hi thu hi kan Biekin ah ka lo hril tah a, chun ka lo ziek/post ta bawk a nih. Sienkhawm Lalpa ropuina dingin hung suklang nawk ka tih.
Kum 2013 niin ka hrieta tûk khat chu Pathien kuomah ka țawngțaia "Aw Lalpa ni tin I thu le hla haiin I mi pawl hlaka ka lawm em ema inhawi khawm ka tih, vawisun ruok chu I hmel a takin ka hmu nuom a nih, I hmel min hmu tir rawh aw ?" ka ti ve tawp a, sun a chun ka insung sin le ka nauhai ka buoipui rak rak lai chun kan in ah ni dang la hung ngai lo nupui pakhat hi a hunga, an harsat ziet hai hrilin thuomhnaw puonbi inkhawmna a bi ding a mi hni el tah a, ka lungril chun "Ka mi hriet ngai khawm ni lo, chu nu chuh thutak a hril khawm a ni naw el theia mi țha naw dam ning a ta aw!" ti pum chun lungawinaw deu chun ka puonbi laia a țha bek naw pawl chu pek ka tum tah a, chuonga lungril ka nei lai ka puonhai ka hang en kuol vel lai chun ka lungrila chieng em em in "Ka hmu nuom che i tih a, kei ka ni kha" A hung ti tah ! Chu tak a chun zingkara ka țawngțaina kha ka hriet suok thut a "Aw Lalpa nang ngei I lo ni maw? I hmel chu a va mak de aw !!! " ti pum chun ka puonbi laia a țha pawla ka nei ve sun hai laia pakhat chu ka pek tah a nih.
Awleh, unau ditumtak ei Lalpa hmel hi a lo mak thei ngei maw! Pasie le hmusit um takin ni tin ei kuomah a hung hlak an nawm ie, hriethiem lovin vawi iengzam Lalpa Pathien ka/ei lo hnawl hlak ding ti chu ka lungrila a lien em ema ei fimkhur hle a țul tak zet a nih.
Matthai 25:
35. Ka phîng a țamin nangnîn fâk ding in mi pêk a, ka dang a chârin dawn ding in mi pêk a; mikhuol ka nîn in mîn tlung tir a;
36. Saruok ka niin puon in mîn sil tir a; damnawa ka umin in mi kan a, lunginah ka umin in hung sir a,' la tîng a tih.
Pathien hmel hrie zing puma Ama dit dan ang taka A rawng ei bawl theina dingin A thutak ei hung suklang chu Lalpa'n malsawm raw seh.
