Phulpui, February 3, 2019, Virthli (ONP): Independent Church of India (ICI), Vangai Presbytery Naupang Sunday School Union chun February 1-3, 2019 khan “THUAWINA” (1 Samuel- 15:22) thupui a hmangin Phulpui ICI Biekin-ah 52nd Annual Conference an hmang. Hi Annual Conference a hin khuo hran hran a inthawka fekhawm naupang han thu le hla ah inruolsiekna an nei a. ICI Vangai Presbytery huop sunga khuo hai- Sartuinek, Patpuihmun, Phulpui, Ngampabung, Thingkal, Kangreng, Upper Kharkhuplien, Tieulien, Khanthuom, Thingpuikuol le Kh. Jeikhan a naupang inkhawmpuia thang po chu mi 400 lai an nih. Annual Conference a hin Independent hla bu a mi "Ei lungril suol ngaw thim hnuoia" ti hla hmangin solo competition nei a ni bawk.
Annual Conference hmang huna hin Rev. Thangroliana, P/S, Vangai Presbytery ICI le Upa Lallienzuol han Conference thupui hmangin Pathien thucha hrilna an nei a. Hi hunser hi Pu Dr. Chaltonlien Amo, Hon’ble MLA, Tipaimukh A/C hai nupa khawma va uop ve in, hun peka a um angin Dr. Amo khawma thuhrilna hun a nei ve. February 3, 2019 zan hunah Rev. Thangroliana P/S a inthawkin Pathien thucha ropui tak el ngaithlak a ni a, lawmman semna hai neiin Upa Lalhlunthangin benediction in hun a khar.
Annual Conference hmang huna hin Rev. Thangroliana, P/S, Vangai Presbytery ICI le Upa Lallienzuol han Conference thupui hmangin Pathien thucha hrilna an nei a. Hi hunser hi Pu Dr. Chaltonlien Amo, Hon’ble MLA, Tipaimukh A/C hai nupa khawma va uop ve in, hun peka a um angin Dr. Amo khawma thuhrilna hun a nei ve. February 3, 2019 zan hunah Rev. Thangroliana P/S a inthawkin Pathien thucha ropui tak el ngaithlak a ni a, lawmman semna hai neiin Upa Lalhlunthangin benediction in hun a khar.
