Responsive Ad Slot

I BUPANG A NIH

Sunday, February 24, 2019

/ Posted by Simon L Infimate
~ Jami Darngawn

Ka lairil ra hmasa ka duot êm êm ka naupa chu Lalpa zara a dam chun Oct. 12, 2019 pha kum 17 hmel hmu ta ding hi zan a in/imu thei ngai naw leiin zan sawt tak tak ka/kan mengpui hlaka, a chang chun kan khawvarpui hlaka. Zankhat chu ka beidawngin Lalpa kuoma ka ṭawngṭai tah a "Lalpa !" Ka ti char chun "I bupang a nih" tiin fie êm êmin a mi hung dawna hrilsap ding ka hriet naw lei chun "Ka lawm ie Pa !" tiin ka suk tawp el a nih.

Awleh, mihriemhai hi bufa lovin ei um thei nawa a bikin bufai (Rice) fa hlakhai hi hang ti bik ei tih,  bufak ding ei nei naw chun ei bei a dawng hlaka zing le zana suongfawm ding zawng chu thil inhawi ni naw nih ti chu hrietsa a nih. Amiruokchu, min bupang/buin sipa bu an nei chun bufak ding chu lungngai um naw nih.


Chuongang bawk chun nang le kei khawm iengang harsatna le beidawngna lo tuok hlak inla khawm ei thlarau ta ding chun bufak ding hmuna a lo ni lem hlak a nih ti chu ei hriet tasa nisien khawm ei hung suklang nuom a nih.

Ei thlarau ta ding khawma harsatna le beidawngna hai hi Lalpa le chun bu le hme inhnik tak ang a lo nih a, khawvel hausakna le ropuina tamtak neia ei thlarau fak ding hmu naw nek chun, harsatna le beidawngna nei inla khawm Lalpa hnaiphana/hmuphana ei nei chun chu neka hlu le ṭha a um nawh.

Bible a ei hmu tlangvâl Pathien mi pathum hai kha meipui sunga an um khawma an thi nawa thi nek nekin Lalpa Vantirkovin an umpuia Lalpa Pathien ropuina ringnawtuhan an hmupha lem ang khan, nang le kei khawmin iengang harsatna meipui tuok hlak inlakhawm ei Pathien Hring thilthawtheina hi mihan hmu pha lem sien la ti chu ei nuom bek bek a nih.

Daniel 3:
23. Chun chuong mi pathum, Sadrak, Mesak le, Abednego hai chu khuop hlawm pumin meipui chawk lai râpthlâktaka chun an tla lût ta a.

24. Chun lal Nebukadnezzar chun mak a ti ta hle a, inhmawtakin a thova, a rorêltuhai chu a biek a, an kuomah, “Mi pathum kha khuopin mei lai ei peilût annawm a ni kha?” a ta. Chun anni chun an dawn a, lal kuoma chun, “Aw lalpa, ni e,” an ta.

25. Ama chun a dawn a, “Ngai ta u, mei lai khin mi pali sût saa inlawnin ka hmu a, na hrim an ti nawh; a palina hmêl putzie chu Pathien Naupa ang a nih,” a ta.

Unau ditumtak i harsatna le beidawngna hai kha i thlarau ta dingin bupang ṭhatak a nih ti chu a thar taka lo hrie dingin Lalpa ropuina dingin ei hung infiel a nih.

LALPA'N MALSAWM RAW SEN CHE!
Don't Miss
© all rights reserved
made with by Simon L Infimate