Responsive Ad Slot

HYA NC Hills in Pu C. Laldinpuia SSB puon inkhumna a nei

Sunday, February 10, 2019

/ Posted by Simon L Infimate
Haflong, February 10, 2019, Virthli (ONP): Pu C. Laldinpuia (35) SSB Haflong a um mêk chu Kal natna leiin zanizân khan Haflong Civil Hospital panpui ani a, amiruokchu a natna an rik deu leiin Guwahati panpui dinga a zan zan an fepui chu vangduoitlak takin Mahur an tlungin a chatuon ram tieng a lo chawl hadam lem a. Zingkar khan Haflong Civil Hospital ah Postmortem thaw zo in Hmar Youth Association (HYA) NC Hills chun Hmar Thangsuo Puon inkhumna an nei. HYA hin zingkar an'thawk a ruong hi umpui in sipai hai leh a ṭul ang ang in hma an lâktlâng a nih.


Pu C. Laldinpuia hi (35) SSB Siliguri Headquarters a um hlak kha NRC duty leiin Silchar ah tulai hnai el khan hung transfer ani a, North Cachar Hills Autonomous Council Election Duty leiin Haflong ah Temporary postinga a um lai a nih. Ama hi kal natna nei ani a, Nu a nei ta nawa sang pakhat neiin tuhin a sûnghai hi Aizawl Armed Veng a khawsa an nih. A ruolhai an'thawk chanchin lâk dân in ama hi pa fel tak le biek inhawi sports inhnikmi tak a nih, MZP le Aizawl HSA hai an'thawka chanchin hriet leia HYA hin an lo bawisawm a nih.
Don't Miss
© all rights reserved
made with by Simon L Infimate