Responsive Ad Slot

Mipui kuoma lawmthu hrilna ~ L. Hlima Keivom

Thursday, January 24, 2019

/ Posted by Simon L Infimate
MIPUI KUOMA LAWMTHU HRILNA 


A hmasatakin nasa taka ei chunga zangaitu le mi thuoitu ei Pathien kuomah lawmthu ka hril a nih. Hnam san dinga inngaia theitawpa thapui tak tak țhanga tuta țuma NCHAC inthlangna a kei țawmkailo hnam aia ngirsuoktu anga mi ngaia mi ditsaktu le mi hmangaitu hai popo kuomah lawmthu ka hung hril mawl mawl a nih.

Thi le thau, tha le zung, sum le puon nei an gang mi petu hai, tawngtaina a theitawpa mi santu hai, bengvar taka thurawn tha tak tak mi petu hai le abikin lotheilo anga ngaia mi vote tu hai popo kuomah mimal tin lawmthu hrilsenglo ka bat a, chuong lai zing chun mimal malin lawmthu hi ka hril sengnaw a; lungril takin pawi ka ti hle. Hi hi thuziek hmang hin in renga chungah ka lawm takzet ti thu ka hung hril hi thiem taka mi lo pawm pek dingin ka hung ngen cheu.

Ka chunga in thatna le in mi hmangaina in inlangtir hi a ropui taluo a, kei chun ka phu naw nasa hle el. In thatna ding thawpek thei cheu ka nei tlawm hle a, inphalamna’n ka sip hi a ni tak. Amiruokchu Pathienin in thatna hai le kei ka leia in channa hai popo a let sangtamin malsawm rawse cheu ti hi ka tawngtaina le ka ditsakna cheu um sun chu a nih.

Ei beisei tak hratna lo changnaw inla khawm ei inthuruolna, hnam ei hmangaina le ei thahnemngaina ruok hi chu inchikthlak le mi popo hai mi phaknawna achievement ropuitak ei nei a ni ti a chieng hle leiin lungril takin ei lawm ka ring. Hieng anga inthuruol le thei khata luong thei mi hi hmuntin ramtin thlir khawmin an vang hle ei ringhla nawh. Ei channa le ei inpekna hin hnam ta dingin rasuok thatak a nei ve ngei a nih ti hmatieng a ding khawma ei beisei a nih. 



In hmangai,

Sd/-
L.Hlima Keivom
Muolhoi, Kanaan


Don't Miss
© all rights reserved
made with by Simon L Infimate