Responsive Ad Slot

Jiribam biela Hmar nauhan Peaceful Sit-in Protest an nei

Saturday, December 1, 2018

/ Posted by Simon L Infimate
Jiribam, December 01, 2018, Virthli (ONP): Jiribam biela tribal haiin buoina namenlo an tuok mêka, asan tak chu hill area, Lal rama um zing, Hill House Tax khawm lalhai kuoma pêk hlak kha sawrkarin ahung suktâwp thut lei a nih. Hi lei hin mipui an chiai in an buoi hle a nih. Sawrkara inthawk survey order hungin unsurvey land hai chen inkhi el dinga um tâk leiin Jiribam sunga Hmar hnam ṭhuoituhai, HNU, HSA, HYA, HWA le HI hai inrawntlang in vawisun khan Peaceful Sit in Protest hlawtling takin hmun hnia nei a nih. Tuisuolien Police Outpost ah Buṭhangkhal, B. Huonveng le Tuisuolien mipui tam tak zing dar 7 khan fekhawm a nia, hi huna bawk hin Jakuradhor tîn mukhi ah Chaudhurikhal, Dolakhal, Kotoikhal le Bekrasuo mipui fe khawm a ni bawk. Hi huna hin banner le placard hai chawiin hill area inkhi an dit naw zie mipui haiin an suklang bawk. Dharna hi darkar khat vêl chau nei a nia, ṭhuoituhaia inthawk thu ngaithlak ani hnungin thlalakna nei a nia, newspaper dang danga hai insuo dinga ti a nih.


United Chief Committee, Jiribam in Manipur High Court ah sawrkar hi a khing mêka, 4th hearing chen nei tah in Pathien zarin a hlawtling peia, tuhin 5th hearing nawkna dingin tarik 21, December, 2018 khin High Court in sawrkar a ko nawk a nih. Hienga court case afe zing laia ram inkhi an hung tum hi mipui chun rem anti thei nawa, an dit naw zie inentirnain vawisuna dharna hi nei a nih. (input: Eden H Pena)

Don't Miss
© all rights reserved
made with by Simon L Infimate