Responsive Ad Slot

HSA in student chawm a tum, hnina peklut thei

Tuesday, December 11, 2018

/ Posted by Simon L Infimate
CCPur, December 11, 2018, Virthli (ONP): Hmar Students’Association(HSA), CCPur Joint Headquarters chun kum thar 2019 sung hin HSA Churachandpur Joint Headquarter huom sunga insung retheina leia inchukna tienga harsatna tuok hai Pawl 6 inchuklai le a hnuoitieng mi 10 bek chawm a tuma, a hnuoia hi inhriettirna an siem le naupang chawm pek dinga hnina form download na ding sie a nih.
---------------
Office of the
Hmar Students' Association
Churachandpur Joint Headquarters

INHRIETTIRNA
(Ccpur/Tuithaphai ,11th December, 2018)
               
No.1/hsa-ccpur-jhq/11 December 2018: HSA Churachandpur Joint Headquarters chun Mîmtukthla ni 9, 2018 chawhnung 1:30 pm a inkhawm a nei na le inzuolin hiengang hin Hmar mipuihai kuoma inhriettirna a siem.
             
H.S.A Churachandpur Joint Headquarters chun mipui ta ding le Inchuklai hai ta dinga siem le indin ani na hre zingin, hung tlung ding kumthar 2019 sung hin HSA Churachandpur Joint Headquarter chun a Functional area sunga  Pawl 6 inchuklai le a hnuoitieng insung retheina leia inchukna kawnga harsatna tuok Sawmkhat(10) bêk,An Admission Fee,Uniform,Lekhabu le an Thlatin Tution fee hai  chawmna le thangpui dingin a lo in buotsaia, hi chawmna dawng beiseia hnina pe nuom hai chun a hnuoia hming ziek hai kuoma  December 20,2018  chen Application form ngaivenin peklut thei ning atih.

Hi chawmna le inzawma atam le tlawm thu hril lo a kut rawl nuom hai ta ding khawmin kawt lientak hawng ni in, hi chungchang thua hre chieng lem nuomtu ta dingin ngaiven thei zing ani bawk anih.

Țhahnemngaina leia in aihnaphâpui,

(Ramneisang Faiheng)
Secy. Info.& Pub.
HSA Ccpur.Jt.Hqrs.
Contact :- +918837479738 / +918974182681

Joshua L. Shakum
Secy.Education
HSA Ccpur Jt.Hqrs.
(8413960432)
-------------

Hnina Form Download na ding: https://drive.google.com/open?id=1Y6dvaYBMF-xjdjMxMMLTDoWRJzMkZqGh


Don't Miss
© all rights reserved
made with by Simon L Infimate