CCPur, December 10, 2018, Virthli (ONP): Kum 2017 September thlaa Agape Charity ti hmingchawi a Zatea HN Zate (Lalnunthar Zate) le Mami Sinate (Lalengvari Sinate) haiin an indin Agape Charity hai chun zani le vawisun khan Rengkai a Pu Luoite le a tupa Lalhmangai hai ṭhangpuina an pek nawk. Agape Charity hai hin Artui plate 2 , Arsa kg 1, dal kg 2, Chini kg 2, machi kg 1, Tel litre 2, insilna sabawn 6, Milk powder kg 2, thingpuife pocket 1, Aieng pocket 1, purunsen kg 1, puonsawpna 2, surf packet 1 le thingher ₹3,800/- man an pek bawk a. Zani le vawisun po a ṭhangpuina an pek po hi ₹5,880/- man a nih.
Agape Charity hai hin nikum September thla khan Pu Luoite hai ṭhangpuina ding hin Donation thaw theina hun ni khat khawm tling lo hun an hawnga, chutaka chun mi inphal tak tak haia inthawkin ₹17,500/- hmusuok a nih a. Chutaka inthawk chun nikum khan nitina an mamaw thingher ₹8,700/- man an lo va pek tah a, balance la um ₹8,800/- hin tut ṭuma a chungah ei hril hai khi an pek nawk a nih. Tuhin Pu Luoite hai ta dinga dawldawk hi sumfai ₹2920 ala um a, hi sum balance la um hai hi Pu Luoite han an mamawna a an lo hmang dingin pekdawk vawng ani bawk ding a nih.
Pu Luoite hai hi Rengkai, Bethlehem venga khawsa an nih a, ama hi tar hrat ta naw tak el, a mit khawma khuo hmufie dukdak thei ta lo, naset le inlawn vel khawm intak ti tak el a nih. Ama hin a tupa Lalhmangai khuma zal zing, a kawng anthawka hnuoitieng châng thei ta lo chu a enkawl nawk sawnga, zun le ek iengkim Pu Luoite hin a thei ang anga sukfai pekin, fak le dawn ding khawm ama hin a siem vawng a nih.
“Pu Luoite hai ṭhangpuina dinga kut hung rawltuhai po po kha in hming tarlang naw inlakhawm kan hriet vawng cheua, kei ni’n kan hriet neka pawimaw lem Pathien khawmin a hriet zing cheu a, mi chîntak chunga inthaw hi ei Pa vana mi chunga inthaw ani ti hriezingin hmatieng peia khawm hi neka nasaa mihai tadinga malsawmna inni pei theina ding hin kan ṭawngtai pui cheu a, in chungah kan lawm tak zet a nih” tiin Zatea HN Zate le Mami Sinate hai chun lawmthu an hril a nih.
Agape Charity hai hin nikum September thla khan Pu Luoite hai ṭhangpuina ding hin Donation thaw theina hun ni khat khawm tling lo hun an hawnga, chutaka chun mi inphal tak tak haia inthawkin ₹17,500/- hmusuok a nih a. Chutaka inthawk chun nikum khan nitina an mamaw thingher ₹8,700/- man an lo va pek tah a, balance la um ₹8,800/- hin tut ṭuma a chungah ei hril hai khi an pek nawk a nih. Tuhin Pu Luoite hai ta dinga dawldawk hi sumfai ₹2920 ala um a, hi sum balance la um hai hi Pu Luoite han an mamawna a an lo hmang dingin pekdawk vawng ani bawk ding a nih.
Pu Luoite hai hi Rengkai, Bethlehem venga khawsa an nih a, ama hi tar hrat ta naw tak el, a mit khawma khuo hmufie dukdak thei ta lo, naset le inlawn vel khawm intak ti tak el a nih. Ama hin a tupa Lalhmangai khuma zal zing, a kawng anthawka hnuoitieng châng thei ta lo chu a enkawl nawk sawnga, zun le ek iengkim Pu Luoite hin a thei ang anga sukfai pekin, fak le dawn ding khawm ama hin a siem vawng a nih.
“Pu Luoite hai ṭhangpuina dinga kut hung rawltuhai po po kha in hming tarlang naw inlakhawm kan hriet vawng cheua, kei ni’n kan hriet neka pawimaw lem Pathien khawmin a hriet zing cheu a, mi chîntak chunga inthaw hi ei Pa vana mi chunga inthaw ani ti hriezingin hmatieng peia khawm hi neka nasaa mihai tadinga malsawmna inni pei theina ding hin kan ṭawngtai pui cheu a, in chungah kan lawm tak zet a nih” tiin Zatea HN Zate le Mami Sinate hai chun lawmthu an hril a nih.
