SÛNNA THUPUONG
Thlaphal (Nov.) 20, 2018
(Hmar Inpui, Gen. Hqrs. in Pu SN Ngurte Chairman, HLS-Manipur a sûn thu a puong; Chawimawina le Inzana insangtak pein a ruong tuom a tih)
Khawvela Hmar hnam inthlungkhawmna pawl lientak Hmar Inpui, General Headquarters chun Pu S.N. Ngurte (80)/(1938-2018), Chairman, Hmar Literature Society (HLS-Manipur) nilai-in Thlaphal (Nov.) 19, 2018 zantieng dar 4:30 PM vela Shija Hospital, Imphal hmun-a fam a lo chang tah chu hun a ti naw'n a'n pamin, pawi a ti tak zet a. Hnam ta dinga channa nasatak a nih.
A dam laia Hmar hnam ta dinga a'n rimna le a thaw hlawk zie hai po po kha Hmar Inpui, General Headquarters le a hnam chanpui ha'n in nghil thei ni naw nih. Chun, Hmar (Thu-le-hla) Literature Kungpui a tling a nih ti khawvel hrietin a puonga, Thlaphal (Nov.) 20, 2018 (Vawisuna a ruong inthlana le vuina hunser, Tuiṭhaphai ah) hin hnam ta dinga a thaw hlawk zie vawi-le-khat a inzawt senglo hiel hai leia chawimawina leh inzana insangtak pein a ruong tuom a tih.
Pathien-in a maksan a sung-le-kuo, a sinthawpui hai thlamuonga an mamaw ang peia in thuom dingin Hmar Inpui, Gen. Hqrs. chu lungriltakin a ṭawngṭai a nih.
Sd/-
Francis Songate
General Secretary, HI-GHQ
Sd/-
Joseph Lalrothang
President, HI-GHQ
