Responsive Ad Slot

Paramilitary a dingin ST hai dung insang dan suk hnuoi

Thursday, November 29, 2018

/ Posted by Simon L Infimate
New Delhi, November 29, 2018 (ONP): Home Ministry chun Northeast a Scheduled Tribes (ST) le Gorkha hai tadingin paramilitary a dung insang dan (height norms) chu a suk hnuoi. Union Minister of State for Home Kiren Rijiju chun tuta dung insang dan suk hnuoia a um lei hin Northeast ST le Gorkha thalai tam tak el hai chu central paramilitary forces haia an lut thei ta ding ani a, hi thuthlukna hi inchiktlak a nih tiin a hril.

Tuta dan thar siema um dungzui hin Gorkha le ST pasal Constable a dingin 162.5cm (5.3 ft) anthawk 157cm (5.1 ft) a suk hnuoi ani a, Sub-Inspector a dingin 165cm (5.4 ft) anthawk 157cm (5.1 ft) a suk hnuoi ani a, chun Assistant Sub Inspector a dingin 157cm (5.1ft) a suk hnuoi ani bawk a nih.

Hi dung insang dan (height norms) hi Central Reserve Police Force (CRPF), Border Security Force (BSF), Sashastra Seema Bal (SSB), Central Industrial Security Force (CISF), Indo Tibetan Border Police (ITBP) le Assam Rifles (AR) haia hmang tan ani ta ding a nih.

Don't Miss
© all rights reserved
made with by Simon L Infimate