Responsive Ad Slot

New Delhi khawpui le a sêvêla Hmarnau haiin SIKPUIRUOI an hmang ding

Thursday, November 22, 2018

/ Posted by Simon L Infimate
New Delhi, November 22, 2018, Virthli (ONP): Delhi Hmar Welfare Association (DHWA) huoihawtna hnuioah November 23, 2018 hin Delhi khawpui le a sêvêl (NCR) a khawsa Hmar ṭawng hmang haiin ‘Ka Chawisang – Ka Hnam Thuom’ ti thupui a neiin ropui takin SIKPUIRUOI hmang an tih.  Hi huna hin Sikpui Pa in Pu Ruolkhumlien Buhril, IAS ṭhang a tih. Sikpuiruoi hmangna ding hmun, Dr. SR Auditorium, Delhi Cantt. ah hnam thuom chi hrang hrang inbelin mipui fekhawm an ta, chawhnung dar 2 ah hun hmang ṭan ning a tih. Sikpuiruoi hi hun hnia ṭhe a ni a. Hun khatna le hun hnina inkâr (zantieng) hin fekhawm hai po povin sa chartang le hmepawk hmein ruoi ropui tak kîl tlang an ta. Zân hunah Hmar hla sak thiem tak tak, Maryjones (Haire Hai), Rosiemkim Riengsete, Linda Riengsete, Mercy Lalumpui, Chatuonram, Thlasik Tawllawt Band le hlasak thiem dang dang haiin mipui fekhawm hai leh hla ruoi an ṭhe ding a nih. Delhi khawpuia hin Hmar ṭawng hmang 1500 bawr vel an khawsa mek ni a hriet a nih.


Don't Miss
© all rights reserved
made with by Simon L Infimate