~ Jami Darngawn
Hebrai 10: 25.
"Țhenkhat thaw dân angin inkhawm dâm bânsan lovin, infui tuo lem ei tiu, Ni chu a hung hnai deu deuva in hriet leiin infui tuo nawk zuol ro."
Awle, tulai ei khawvel tawng mek hi internet khawvela um ei ni tak leiin iengkim thaw/hmu hi a awlsam em em tah a. Pathien thu ngei khawm hi a nuomhai tading chun awlsam taka hmu/tiem thei dingin a um tah a nih.
Kei ngei khawm ka thei ang ang chun internet fe thlengin Pathien thu le ka testimony hai suksuok/puongdarna remchang tak a ni leiin țhahnemngai takin ka ziek/post hlak a nih.
A ni ngei ka naulutir hi zansawt tak ka mengpui hun le, inkhawm thei lova ka um chang hin kei ang bawka harsatna neihai ta dingin tiin țhahnem ka ngai nawk zuola țhang ka lak hlak. Amiruokchu, mi țhenkhatin "Biekin inkhawm kher a ngai chuong nawh internet fe thlengin Pathien thu ngaithlak ding le tiem ding a tam annawm" ti zawnga an hril ka hriet hin pawi ka ti em em hlak.
Pathien zara ei dama inkhawm theia ei um chun inkhawm ngei ngei ding a nih. Ei Lalpa lsu khawm hi khawvela a um lai khan inkhawmna Biekin hai kha a ngaina hle hlak. A naupang lai khawm khan A Nu le Pa'n a umna chin hre lova an zawng lai Biekin sungah a lo um ti ei Bible ah ei hmu a nih.
Naupang, Țhalai, Nupui, Papui khawm ni inla, inkhawm țhul raka In-ah uma TV le mobile phone etc hai ena lo um mei mei hi chîng lo dinga țha a nih. Chuonga ei thaw a ni chun ei thilnei haiin an mi țhuoi suol der tina ning a tih.
lnkhawm anhawi tam, anhawi naw tam, thuhriltu'n a hril țha ta'm, a hril țha naw ta'm, khang hai leia inkhawm pei lova um chu suol a nih.
Pathien ei hmangai tak tak a ni chun a IN a fea A thu le hla hai saka ngai hlak chu ei inhawk dawp dawp ding a nih. Ei ngaizawng/hmangai hai in a fe ei inhawk dawp dawp hlak ang bawk khan.
Chanchin Țha mi hung intlun/hriltuhai ram khawm inkhawm ding mi an um taknaw leiin an Biekin hai an zawr tawl hiel ang khan, ei ni hai khawm tuta inkhawka ei insiemțha naw chun nakie chu ei hmabak ding tho a nih.
Pathien malsawmna ei dawng hai hi a hmang dan thiem a țul hle a, malsawmna mi petu theinghil rak khawpin hmang naw hram inla ti chu Lalpa Pathien Ram lien peina dinga ei hung infiel mawl mawl a nih.
LALPA'N MALSAWM RAW SEN CHE.
Hebrai 10: 25.
"Țhenkhat thaw dân angin inkhawm dâm bânsan lovin, infui tuo lem ei tiu, Ni chu a hung hnai deu deuva in hriet leiin infui tuo nawk zuol ro."
Awle, tulai ei khawvel tawng mek hi internet khawvela um ei ni tak leiin iengkim thaw/hmu hi a awlsam em em tah a. Pathien thu ngei khawm hi a nuomhai tading chun awlsam taka hmu/tiem thei dingin a um tah a nih.
Kei ngei khawm ka thei ang ang chun internet fe thlengin Pathien thu le ka testimony hai suksuok/puongdarna remchang tak a ni leiin țhahnemngai takin ka ziek/post hlak a nih.
A ni ngei ka naulutir hi zansawt tak ka mengpui hun le, inkhawm thei lova ka um chang hin kei ang bawka harsatna neihai ta dingin tiin țhahnem ka ngai nawk zuola țhang ka lak hlak. Amiruokchu, mi țhenkhatin "Biekin inkhawm kher a ngai chuong nawh internet fe thlengin Pathien thu ngaithlak ding le tiem ding a tam annawm" ti zawnga an hril ka hriet hin pawi ka ti em em hlak.
Pathien zara ei dama inkhawm theia ei um chun inkhawm ngei ngei ding a nih. Ei Lalpa lsu khawm hi khawvela a um lai khan inkhawmna Biekin hai kha a ngaina hle hlak. A naupang lai khawm khan A Nu le Pa'n a umna chin hre lova an zawng lai Biekin sungah a lo um ti ei Bible ah ei hmu a nih.
Naupang, Țhalai, Nupui, Papui khawm ni inla, inkhawm țhul raka In-ah uma TV le mobile phone etc hai ena lo um mei mei hi chîng lo dinga țha a nih. Chuonga ei thaw a ni chun ei thilnei haiin an mi țhuoi suol der tina ning a tih.
lnkhawm anhawi tam, anhawi naw tam, thuhriltu'n a hril țha ta'm, a hril țha naw ta'm, khang hai leia inkhawm pei lova um chu suol a nih.
Pathien ei hmangai tak tak a ni chun a IN a fea A thu le hla hai saka ngai hlak chu ei inhawk dawp dawp ding a nih. Ei ngaizawng/hmangai hai in a fe ei inhawk dawp dawp hlak ang bawk khan.
Chanchin Țha mi hung intlun/hriltuhai ram khawm inkhawm ding mi an um taknaw leiin an Biekin hai an zawr tawl hiel ang khan, ei ni hai khawm tuta inkhawka ei insiemțha naw chun nakie chu ei hmabak ding tho a nih.
Pathien malsawmna ei dawng hai hi a hmang dan thiem a țul hle a, malsawmna mi petu theinghil rak khawpin hmang naw hram inla ti chu Lalpa Pathien Ram lien peina dinga ei hung infiel mawl mawl a nih.
LALPA'N MALSAWM RAW SEN CHE.
