CCPur, November 02, 2018, Virthli (ONP): Pasal pumduong tha hai khal ding bik deua ngai le khawvel two wheeler hai laia mi ngaisang le dit Royal Enfield Bike (Bullet) chu nuhmei khawmin inhme le hnesaw takin an khal thei ve ti chu Pi (Nk) Rebecca Hmar @Rebek, General Secretary, Hmar Women Association (HWA) General Headquarters nilai mek chun a suk chieng hle. Nk. Rebek hi CCPur Royal Riders a hotutak niin an ruolcham chun October 22 khan CCPur an suoksan a, Bhutan chen tlungin vawisun khan CCPur an hung tlung nawk tah. An fedan lampui chu hieng ang hi a nih; CCPur-Diphu-Guwahati-Jaigoan-Bhutan-Darjeeling-Rangpo- Gangtok-Ravangla-Bongaigoan-Jaintia Hills, Khliehriat-Silchar-Jiribam-Imphal-Churachandpur.
Nk. Rebek hi hmel tha tak el, chuoi thei lo, Miss CCPur 1985-'86 khawm lo ni phak hiel, Theologian khawm niin Missionary hai chen khawm chawm hlak, tulai hnai el khawm khan Pathien rama rawngbawlna le inzawma insuk hratna dingin South Korea khawm a lo inzin zo chau a nih. Hmar hnam ta ding khawma mi inpezo tak el le mawngzang tak el a nih. A hmelthratna ringawt khawm hin mihai ngaisang a hlaw hle bakah inngaitlawm tak el le mi biek inhawi tak el a nih. Mi taima, Khawsakna tieng khawm mi hlawtling ve tak niin tuhin CCPur khawpui laili Tiddim Road ah dawr le inhmun detdo tak neiin a khawsa mek a nih.
Nk. Rebek hi hmel tha tak el, chuoi thei lo, Miss CCPur 1985-'86 khawm lo ni phak hiel, Theologian khawm niin Missionary hai chen khawm chawm hlak, tulai hnai el khawm khan Pathien rama rawngbawlna le inzawma insuk hratna dingin South Korea khawm a lo inzin zo chau a nih. Hmar hnam ta ding khawma mi inpezo tak el le mawngzang tak el a nih. A hmelthratna ringawt khawm hin mihai ngaisang a hlaw hle bakah inngaitlawm tak el le mi biek inhawi tak el a nih. Mi taima, Khawsakna tieng khawm mi hlawtling ve tak niin tuhin CCPur khawpui laili Tiddim Road ah dawr le inhmun detdo tak neiin a khawsa mek a nih.
