Jiribam, November 09, 2018, Virthli (ONP): Vawisun khan Hmar hnam sunga political party Hmar National Union (HNU) Block No. 6 thlang thara umhai chu HNU General Headquarters President nilai mek Dr. Chaltonlien Amo in Jiribam PWD Guest House ah inhmelhrietna malamin bufâkpuina a nei pui. Hi huna hin Hmar Inpui Coordination Committee Jiribam ṭhuoituhai khawm an ṭhang. Hi hun hi Pu Lalnuntluong, Jt. Secretary HNU GHQ in a keihruoia, hmatieng peia fe dan ding le hnam hmakhuo ngaia hma la pei dingin General President in infuina thu a hrila, ṭhuoituhai inṭanna ding le file le thil ṭul dang danga hmang dingin General President chun Block No. 6 President Rev. Benjamin Shakum kuoma chêng 5000 an hlan bawk. (input; Eden H Pena)
