Responsive Ad Slot

Delhi ICI KTP in 7th NE India Choral Competition 2018-ah pathumna

Sunday, November 4, 2018

/ Published by Simon L Infimate
New Delhi, November 04, 2018, Virthli (ONP): Tangkhul Christian Charitable Trust (TCCT) in kum tina a huoihawt North East India Choral Competition a vawi-7na chu "Togetherness" ti thupuia hmangin Thyagaraj Stadium, New Delhi-ah nei a nih. Hi huna hin Manipur Chief Minister N. Biren Singh chu Chief Guest dinga ti ani a, remchangnawna leiin Pu V. Hangkhanlian, Minister Agriculture, Veterinary & Animal Husbandry chu Chief Guest a hmang niin Dr. Ken Henson, Founder & Chairman of The Bangalore Conservatory chu Speaker a hmang a nih.

Hi inruolsiekna a hin Delhi-a North East India suok kohran le fellowship hrang hrang hai choir an thanga, thiemtak nina chu Poumai Baptist Church, Delhi in an laka, Pahnina chu Tangkhul Baptist Church Delhi haiin a laka, a pathumna chu Delhi ICI KTP in an lak a nih. Pakhatna hin Trophy le sumfai Rs. 3 lakhs a sawm a, Pahnina in Rs. 2 lakhs le a Pathumna in Rs. 1 lakh an dawnga, participants hai poin consolation prize Rs 10,000 an dawng bawk a nih.


Inruolsieknaa thang hai bak a hin hlasakthiem Jajai Singsit, The Four, Horchuila Langyza, Meyinungsang Lungkumer, Generation Squad, Maker Kashung & Friends le Sochipem Kashak & Reisang Shimray hai chun fekhawmhai hla le rimawiin an inawi.

Hi inruolsiekna hi 2012 anthawk khan tan a ni a, thiemtak nina Hmar Christian Fellowship, Delhi (HCFD) Choir in 2013, 2014, 2015 hai khan an lo lak ta bakah Delhi ICI KTP in 2017 khan an lo lak ta bawk a nih.
Don't Miss
© all rights reserved
made with by Simon L Infimate