Responsive Ad Slot

Shillong EAC Silver Jubilee Lawmnaa thang dinga fielna

Wednesday, October 24, 2018

/ Posted by VIRTHLI HMAR
A hmasa'n Shillong EAC Kohran Silver Jubilee kum (25yrs) chen thuoitu Pathien kuomah lawmthu um sien, Group members le tiemtuhai po po ditsakna chibai ka buk cheu.

1993 kuma indina um, Shillong EAC Kohran chun hi chen Pathien thuoina changa Silver Jubilee kum tlung theia a umna leiin Pathien kuoma lawmthu hrilna hunser (Silver Jubilee lawmna) 3rd November,  2018 (Inrinni) hin hmang dingin a'nbuotsaia, hi hunser hmangna huna thang dingin Group members le tiemtuhai po po ka hung fiel cheu.

Mimal fielna lekha a hranpataka siem sêng annaw leiin hi group hmanga fielna siema um hi mimal fielna anga milo pawmpeka, hung thang seng dingin Pathien hmingin ka hung ngen nghal cheu a nih.

Pathien Ram hmangaina neia Shillong EAC Biekin inchawk le bawlna/siemrelna huna rawngbawlna kut hung rawltuhai kuomah Lungriltakin lawmthu ka hung hrila, Lekha ngeia fielna siem nuom um hle sien khawm ei umna hmun hran hran, State hran hran a ni leiin address ei inhriet vawng tanawa pawi ei ti hle a, chulai zing chun Social media fethlenga fielna ei siem hi lekhaa fielna angah milo pawm peka hi hunser pawimawtak hi hung uop vea lawmna Ruoi hung kîl dingin ngainatakin Pathien hmingin ka hung fiel cheu.


Mr. Obed L. Thomte
Secretary
Shillong EAC Silver Jubilee Celebration Organizing Committee.


Don't Miss
© all rights reserved
made with by Simon L Infimate