Saikot, October 23, 2018, Virthli (ONP): Pu J. C. Ramthanga, IAS, Principal Secretary, Cooperation, Horticulture, Govt. of Manipur chun vawisun khan Saikot SDO Office Complex-a Manipur State Co-operative Bank (MSCB) hawng ding le inzawma infrustructure siema um mek hai chu enfelna a nei. Hi huna hin inhmukhawmna /inpawltlangna SDO Office ah sawtnawte nei ani a, Pu Lalhrillien, MDC, Pi Lalthazam, MCS, SDO, Saikot le Churachandpur MSCB Bank staffs, Pu Francis Songate, Secretary, Hmar Inpui le Saikot Sub Division Demand Cum Development Committee office bearers, Timothy Z. Zote, Chairman, Pu R. Lalkaisanga, Secretary, Pu Lalremsiem Zote, Finance secretary, Pu Rosiem, Executive committee member hai khawm an thang.
Hi inhmukhawmna a hin Saikot Sub Division Demand Cum Development Committee (SSDDC) chun vawi tam tak SSDDC hmalaknaa Secretariat laia lo thangpui hlaktu a ni lei le Saikot SDO Office-a Bank umna dinga thei tawp a hmalatu, ATM hai chen khawm um ngei theina dinga hmalatuin SDO Saikot a hung kan lawm zie le ngainat zie suklangnain Hmar Thangsuopuon Pu J. C. Ramthanga, IAS, Cooperation, Horticulture, Govt. of Manipur chu an insiltir a nih. (input: Manmasi Digest)
