Responsive Ad Slot

PATHIEN BIEKIN

Saturday, October 6, 2018

/ Posted by Simon Infimate
~ Jami Darngawn

Tulai mi pakhatin hieng hin a hrila, ka lungril atawk khawp el a ngaituona thar a mi pek pha hiel a nih. "Tulai chu Biekin inkhawmna ding ka nei nawa ka lungril um anhawi naw khawp ela ka umdan andik naw vang a nih" tiin a mi hril a.


Ka ngaituo chet chet chun thil ni thei dingin ka hriet ve, a san chu mi piengthar indiktak chun Biekin an ngaina hlak reng a nih ti chu a chieng hle a nih. Ei Lalpa lsu khawm kha a naupang laiin a Nu le Pân a umnachin an hriet nawa thlaphâng taka an zawng lai chun Ama hlak chu Biekin sunga lungmuong takin a lo um a.

Luka 2:
48. Chun a nu le pa chun Ama an hmu chun mak an ti hle a; chuongchun a nu chun a kuomah, “Ka nau, iengdinga hienga i mi thaw? Ngai ta, i pa le keiin thlaphângtakin kan zawng che a nih,” a ta.
49. Chun Ama chun an kuomah, “Iengdinga in mi zawng am a na? Ka Pa inah ka um ding ani ti in hriet nawm a nih?” a ta.

Ani ngei el, Lal lsu zar chauva Pathien nau indiktak changtahai ta ding chun ei Pa IN chu ei ngaina ding reng a nih. Amiruokchu ei Pa in a ei fe/um chun fimkhur tak le inza tak puma iem a ni bek hmu/dawng nei tum ding a nih, a thlawn mei meia ei Pa ina lut/felo ding a nih. (Chu umzie chu thlarau malsawmna iem a ni bek dawng tum ding a nih.)

Amiruokchu mihriemhai hi ei fak zawng dan le ei khawsak danin a zir naw leia inkhawm thei lo le Biekin um nawna hmuna um khawm um thei bawk a nih. Chuonghai ta ding chun tulai chu ei khawsakna an sang/awlsam angin, Pathien thu le hlahai khawm internet le thil dang dang fethlengin hmu thei le ngaithlak thei ani tak leiin chu chu ngaivena ei thlarau khawpna/damna ding zawng hlak inla ti chu a nih. (Kei khawmin ka zawng hlak)

Ni khat lai khawm khan ka ruolpa Bible inchuk zo pakhat chun hieng hin a hrila "Tulai ei khawvel khawsak dan hi chu aw mobile phone bovin ei um thei tawl ta naw chu ani hih ! Ka nauhai mobile phone ka lak peka lekha țhataka an inchuk theina dingin tiin, amiruokchu internet a khan an inchuklaia țhang thil pawimaw tak tak a lo um nawk pei a" a tia. Kei chun "Ani ngei maw, ei khawvelin a hung phursuok chu an taha dang thei ruol an ta naw leiin iengtinam ei hmang țangkai pei ding ti chu ei inhril/sukhmu pei chu a ngai tak zet an tah" tiin kan titi ta pei a.

Chuong ani lei chun ei khawvel tawng mek hi hun hnuhnung ani tak leiin fimkhur tak le Lalpa Pathien ți deka um hi a pawimaw takzet a nih. Ei thilneihai a hin Lalpa ei chawimawi am aw ? Ei mobile phone le etc hai hi Lalpa ta dingin hmangruo țhangkai tak a ni thei zing a nih.

Tukhawm hremhmun meidila fe dingin ei inditsak nawa eiin lunginsiet tawl em em a nih. Setan ruokchun hremhmun meidila a fepui dingin ni tin, zan tin, chawl lovin sakeibaknei phîngtam fak ding zawng angin a fak ding zawngin an vak kuol vela Ringtu țha tak tak le suongkuo țha tak tak hai khawm a fak siet meka, fak a la tum pei a nih.

Atawp tak a dingin :
1Korinth 3;
16. Pathien in ni le Pathien Thlarau nangniah a um ti in hriet nawm a nih?
17. Tukhawmin Pathien in chu a sukkhawlo chun, Pathienin ama chu sukhawlo vêng a tih, Pathien in chu a thienghlim si a, chu in chu nangni in nih.

LALPÂN A THU MALSAWM RAW SEH!
Don't Miss
© all rights reserved
made with by Simon L Infimate