Responsive Ad Slot

Ngaibantlang Presbyterian High School Hostel ropui taka hawng

Saturday, October 6, 2018

/ Published by Simon L Infimate
Haflong, October 06, 2018, Virthli (ONP): Oct. 5, 2018 khan North Cachar Hills Indigenous Student Forum le Hmar Inpui NC Hills & Karbi Anglong Region hmalâkna in Multipurpose Sectoral Development Programme hnuoia bawl Ngaibântlâng Presbyterian Hostel building chu zofel alo ni ta leiin Pu Amitab Rajkhowa, Deputy Commissioner N.C Hills District in hawngna a nei, Rev. Jubileethang Hrangchal Harangajao Bieltu Pastor in Pathien kuoma Hostel inhlânna hi a nei bawk.


Hi programme pawimawtak hi ISF Harangajao Branch le Ngaibantlang Presbyterian High School Managing Committee hai ṭhangkawp in duong a nih. Hi huna hin Hmar lâm le Sap hla mawitak takel Students hai an'thawk an in entir bawk. School Managing Committee in Pu Amitabh Rajkhowa kuoma hin memorandum pe in Higher Secondary a an upgrade tumthu le chu ding chun school building extension a țul zie thu hai an hril a, D.C. chun a theina ang anga hma la a an thil ngên hai sukpuitling dinga hma la dingin antiem bawk. Hi Programme a hin
Pu Rosang Hrangchal President Hmar Inpui.
Tv David Keivom, President ISF
Pu John Mark Pena, President HSA Assam Hills Jt Hqr.
Pu Paulawmthang Vaiphei, President Vaiphei Students Association.
Tv. Paolui Zeme, Joint Secretary NCHISF i/c Harangajao
Tv. David Tuollai, NCHISF Sports & Cultural Secretary.
Pu. George Khawbung. NCHISF Executive Member
Pu. PL Tuolor, President NCHISF Retzawl Area Branch hai baka ISF le IWF Harangajao Branch, HSA Harangajao Block le Unit hai, GBs, Managing Committee members le Khawsung mi á¹­hahnem tawk tak an á¹­hang.

Hi huna hin mi pawimaw tak tak an'thawk a thuhril tawi ngaitlâk a ni bawk, Pu Rosang Hrangchal President Hmar Inpui chun NCHISF hmalâkna in ei rama Development tamtak a hung lût hi inpâk an um thu hril in, tuhin Proposal a thar khawm pêk mêk a ni thu hai a hrilsa bawk.

Pu Lama Hmar, Chairman Managing Committee in lawmthu hrilna neiin Hmar Inpui le ISF haiin Mipui hmakhuo thlira theitawpa a rinumna le harsatna hmuna khawm hma la a suolsuoktu hai hnam tading in an hlu takzet a Ngaibantlang Presbyterian High School tak lem hi chu Sawrkar school khawm nilo Kohran ta a ni a, Vawi tamtak Sawrkar a inthawka beiseina a thlawn hnungin MsDP dan taka phal ani naw hnung khawm a, a țulna le pawimawna hrie a theitawp suo a hmalatu Inpui le ISF hai chungah lawmthu a hril. Chun inchûklai miharsa tamtak inchûk nuom tuhai tading biek liu in an hlawkpui hle ding thu hai a hril bawk.

Mipui fe khawm hai hi programme induong tu haiin ruoi an buotsai na angin an kîl tlâng senga mipui an hlim tlâng hle thu dawng a nih.
Don't Miss
© all rights reserved
made with by Simon L Infimate