Parbung, October 08, 2018, Virthli (ONP): Parbung Village Authority in kum tam tak liem ta hnunga an puola office an nei hmasatakna dingin vawisun khan Satthiek vengbuk hmunzawl lai Joseph Cyril Bamford Excavator (JCB) hnuoinawrna hmangin hmun siem a nih. Hi hmun an nawrna ahin Building a sawng uma bawl ning ata, asawng chung chu VA office ding le a hnuoi po chu multi-bazaar a hmang ni bawk a tih. Hi lai hmun hi Satthiek Youth Association le VA Parbung han inbiekna an nei anga thaw a nih.
