Responsive Ad Slot

Lakhipur Municipal Hmar Area Development Committee indin le thuoitu ding thlangna nei

Tuesday, October 2, 2018

/ Published by Simon L Infimate
Hmarkhawlien, October 02, 2018, Virthli (ONP): Tarik 30 September, 2018 khan Lakhipur Municipal Ward 5 & 6 Public Meeting nei ani a, hi huna hin Lakhipur Municipal Board (LMB) anthawka mipui chanvo le hamthatna a tam thei ang kei lut thei dan ding ngaituoa ani a, hi le inzawm hin hmalatu bik dingin Lakhipur Municipal Hmar Area Development Committee (LMHADC) ti chu indin a nih. Hi committee thiltum chu Municipal le inzawma mipui harsatna hai sawmdawl le thangpui, Sawrkar department dang dang anthawk Ward 5 le 6 sunga ding development thilhai kei lut le LMB Ward 5 le 6 sunga Hmar hai changkangna ding ngaituo ti hai a nih. Hi public meeting Resolution No. 2 dungzuiin vawisun khan Hmarkhawlien Community Hall-ah Lakhipur Municipal Hmar Area Development Committee (LMHADC) Office Bearers panga (5) le Committee Members ding pakuo (9) hai kum hni (2) sunga (2018-2020) dingin a hnuoia hai hi mipui in ballot paper hmangin thlangna an nei.

Office Bearers:
1. Chairman: Pu Chawnglienlur Khawbung, Tuikhurveng
2. Secretary: Pu Oliver Khawbung, Zion Street
3. Vice Chairman: Pu Fimronghet Hmar, Lamlienveng
4. Asst. Secretary: Tv. Joseph Darngawn, Zion Street
5. Finance cum Treasurer: Pu C. Lienkhum, Lamlienveng

Committee Members:
1. Pu Bungkhawthang, Lamlienveng
2. Pu Lalhmunsang, Lamlienveng
3. Pi D. Neitham, Lamlienveng
4. Pi Chawngmawi, Tuikhurveng
5. Pu Laltinlien, Tuikhurveng
6. Pu Lalpanlien, Tuikhurveng
7. Pu H. K. Siema, Zion Street
8. Pu Thangliensang Songate, Zion Street
9. Nk. Jubilee Faihriem, Zion Street

Ex-Officio Members:
Hmarkhawlien VC President le Secretary pei ning an tih.


Thlangtlinga umhai hin meeting an nei hmasataka Advisers pathum (3) le Auditors pahni (2) an la ruot ding a nih.

Thlangtlinga umhai hi Upa H. N. Khuma in Oath Taking na an nei tir a, Upa B. Hmar in hun suktawp tawngtaina a nei zovin LMHADC inthlangna chu felfai taka zo fel a nih.



Don't Miss
© all rights reserved
made with by Simon L Infimate