Borobekra/Jiribam, October 20, 2018, VIrthli (ONP): Borobekra PHC chu hun iemanichen staff um naw leia khara um chu HSA Jiribam JHQ hmalakna zarin hawng a lo ni nawk tah. Borobekra PHC hi sawrkar staff um loin New Life Trust hai enkawlna hnuoia um ani a, mipuiin an sawr em em laizingin hnawt suok tuma hma la an lo um leiin staff hai um ngam ta loin karhni vêl an lo suoksan tah a nih. HSA chun CMO inhmupuiin thil umdan hai an hril peka, lekha ziek ngei khawmin an pek a, chun Director, New Life Trust khawm lekha an pêk bawk a nih. Hienga HSA in hma alak leiin hospital chu hawng a lo ni nawk tah.
HSA chu newspaper haia press release siem pêk dingin an ngena, HSA chau niloin Bangali Students Union leh Barak Brothers Union hai leh vawisun khan Joint Meeting neiin Press Release siem dingin an buoipui mêk a nih. Chun meeting zo a hin hospital staff hai kanna le hohlimpuina nei ani bawk. (input: Eden H Pena)
