Vairengte, October 03, 2018, Virthli (ONP): Nk. Gladys Lalparzo Sanate album thar le a album pasarina (7) na 'Remruottu Lalpa' ti chu tlangzar a lo ni tah. Hi album hi Pu Ramtharnghaka SDPO, Vairengte in 79th HSA Day lawmna hunser hmangnaah a tlangzar a nih.
Hi album a hin hla 12 a um a, hlasakthiem dang dang hieng Caroline le Jajai Singsit hai leh an duet-na khawm a ṭhang a, chun Grace Lalthlawnpek sakna khawm a thang bawk a nih.
Hi album release le inruol hin a saktunu Gladys Lalparzo hin ngenna le inhriettirna a siema. Chu chu hi hi a nih. Pathien zarin album iemani zat le hla khawm 200 chuong a lo sak tah a, YouTube channel a hai ama phalna thang lova a hla hai lo upload tam tak a um tah a, khanghai kha a liem tah ani a, ka ngaidam vawng a tih a. Anachu tuta a album pasarina a inthawk hin chu ama phalna la lova YouTube channel a hai lo upload pek ta lo dingin ngenna a siem a nih. Hi ngenna hi Hmar Artists' Association, Gen hqtrs in a hrietpui ani a, a lo zawm lo le phalna bova lo upload tuhai chu HAA in an chungthu rel an tih ti a nih.
Hi album hi mitinin lo hlutsaka lo hei changpek ve nghien nghien dingin ei infiel a nih. Chubaka a ngenna khawm hi ngaipawimaw le inza dingin ei inngen a nih.
