Responsive Ad Slot

CCTV inbuk seng dingin a ngen

Saturday, October 6, 2018

/ Posted by Simon Infimate
CCPur, October 06, 2018 (HT): Thil suol le ṭhalo thawtu hai awlsam lema hriet le man an ni theina dingin Govt. Offices, sumdawngna hmun, School, Bank, College, Hospital, Godown le Company pawimaw hai chu thla khat sunga CCTV Camera inbuk seng dingin Security Advisory Board in ngenna a siem.

CCTV hi Office building hma (front), lampui tieng le building sung bakah building hnung tieng haia inbuk dingin Board chun a ngen a nih. CCTV Camera a thlalaka ringhla um motor, thil puokthei (explosive) ringhla, rukru le thil suol thaw dang dang ringhlaum thil hai hrim hrim District Police Control Room le CCPur Police Station Contact Nos. +916909161233 & +918132837005 haia inhriettir dingin K. Kabib, IPS, Sr. SP, CCPur chun ngenna a siem. Sawrkar-a inthawk CCTV Camera inchawkna ding ṭhangpuina a um naw leiin mani pawisa senga inchawk ding a ni leiin inphutluina chu um naw nih tiin Security Advisory Board chun a hril.
Don't Miss
© all rights reserved
made with by Simon L Infimate