~ Jami Darngawn
✍ 2018 Thlaram/ September beiruol thla mi'n chuongkai tirtu ei Lalpa Pathien chu inpakin um raw seh !
Chun, Chanchiná¹ha zara beiruol hmang thei dinga bul lo È›antuhai kuoma khawm an sakhmel hai chu hi khawvela hmu dingin um ta naw hai sien khawm lawmthu ei hril a nih.
Awleh, ieng kohran khawm lo ni inla Pathien nau hai abikin eini tlangmi hai chun September hi beiruol thla tiin ei hmang hlaka (a hmang naw khawm um mei ei tih) kan naupang lai chun ka ruol hai leh beiruol thla hung tlung ding hi kan lo nghakhla thei hle, asanchu thingpuisen thlum ngawi ngawi kan du lei a nih. (he he)
Kum le thla hai a hung liem peia kei khawm puitling tieng Lalpa zarin ka hung pan pei a, 1998 kum khan pasal ka nei a, 2000 kum khan Delhi khawpuia ka Lung (heart) oparetion leiin ka chambanga, ka U Remsiem hai in ah ka uma, chutaka beiruol ka lo nghak hla dan chu sakhi vadungte tui chaka anthuok hlawp hlawp angin Pathien thu ka chak a nih. Beiruol ani ang bawkin in tina inkhawmna nei ding kha ka lo nghakhla em ema, Lalpa zarin ka U hai in ah beiruol chu kan nei ta ngeia avan hawi cham cham ngei de!
Ani ngei, ei dam naw am a ni ? Annawleh harsatna ei tuok chang hin Lalpa ei ngaina a zuol sawt hlak niin an lang, kei ngei khawm ka ni hlak.
Chuongchun kum 2000 beiruol Delhi a ka hmang chu nasa takin malsawmna ka dawnga, taksa le thlarau damna ka chang thar a nih.
Ka heart oparetion chu Lalpan A mi sukdam a nih ti ka chieng hle a, tuchen hin kum 18 hmel ka hmu ding an tah a chu vawikhat khawm ka heart nat leiin doctor ka pan ta ngai nawh a damdawi khawm ka fak bawk naw a nih.
Lalpan ropuina chang mawl raw seh !
Beiruol hi taksa le thlarau damna a nih ti chu keia hin a chieng em leiin Lalpa ropuina dingin ka hung suklang a nih.
Lalpa Pathien zar chauvin tuhin kan phu lovin ka pasal chu berampu sin thaw dingin kan kohrana thlangin a uma, ka pasal nina chu ka nina anga ngaiin, tuta kan vawi nawk chu "iengtin am kan beram haiin beiruol a hin thlaraua fak ding hmu thei an ta ?" ti chu ka lungrila sipliem a nih. Taksa le thlarau damna kan chang/dawng thei sengna ding chun Lalpa Pathien kuoma ka hni a ngai tak zet a nih.
Beiruol hi zantin inkhawm nisien khawm kei ve thung chu zantin kan khawm thei naw ding a nih, asanchu ka nau lutir hi inkhawmpui thei an naw leiin nau dawn insawk kan thaw hlak leiin. Kei anga beiruol inkhawm țhang nuom em ema inkhawm thei lo hai ta dinga ka hung hril nuom chu hi hi a nih. Beiruol inkhawmna țhang thei naw inla khawm Lalpa Pathien chu ei kuoma a um zinga A ma chu lungril le titak zeta ei zawng/biek chun A mi dawn zing a nih.
A thei phawt chun damnawna lei le harsatna leia i suok thei naw a ni ngawt naw chun, kohran hai inkhawmna beiruolnaa țhang ngei dingin Lal lsu hmingin ka fiel che/cheu a nih.
Kan naupang laia thingpuisen thlum ngawi ngawi neka thlum lem Pathien thu da thei lo chu faa dawn ngei dingin ka ditsakna insangtak kan hlan che /cheu.
LALPA LEH BEIRUOL HMANG INHAWI SENG RO LE!
✍ 2018 Thlaram/ September beiruol thla mi'n chuongkai tirtu ei Lalpa Pathien chu inpakin um raw seh !
Chun, Chanchiná¹ha zara beiruol hmang thei dinga bul lo È›antuhai kuoma khawm an sakhmel hai chu hi khawvela hmu dingin um ta naw hai sien khawm lawmthu ei hril a nih.
Awleh, ieng kohran khawm lo ni inla Pathien nau hai abikin eini tlangmi hai chun September hi beiruol thla tiin ei hmang hlaka (a hmang naw khawm um mei ei tih) kan naupang lai chun ka ruol hai leh beiruol thla hung tlung ding hi kan lo nghakhla thei hle, asanchu thingpuisen thlum ngawi ngawi kan du lei a nih. (he he)
Kum le thla hai a hung liem peia kei khawm puitling tieng Lalpa zarin ka hung pan pei a, 1998 kum khan pasal ka nei a, 2000 kum khan Delhi khawpuia ka Lung (heart) oparetion leiin ka chambanga, ka U Remsiem hai in ah ka uma, chutaka beiruol ka lo nghak hla dan chu sakhi vadungte tui chaka anthuok hlawp hlawp angin Pathien thu ka chak a nih. Beiruol ani ang bawkin in tina inkhawmna nei ding kha ka lo nghakhla em ema, Lalpa zarin ka U hai in ah beiruol chu kan nei ta ngeia avan hawi cham cham ngei de!
Ani ngei, ei dam naw am a ni ? Annawleh harsatna ei tuok chang hin Lalpa ei ngaina a zuol sawt hlak niin an lang, kei ngei khawm ka ni hlak.
Chuongchun kum 2000 beiruol Delhi a ka hmang chu nasa takin malsawmna ka dawnga, taksa le thlarau damna ka chang thar a nih.
Ka heart oparetion chu Lalpan A mi sukdam a nih ti ka chieng hle a, tuchen hin kum 18 hmel ka hmu ding an tah a chu vawikhat khawm ka heart nat leiin doctor ka pan ta ngai nawh a damdawi khawm ka fak bawk naw a nih.
Lalpan ropuina chang mawl raw seh !
Beiruol hi taksa le thlarau damna a nih ti chu keia hin a chieng em leiin Lalpa ropuina dingin ka hung suklang a nih.
Lalpa Pathien zar chauvin tuhin kan phu lovin ka pasal chu berampu sin thaw dingin kan kohrana thlangin a uma, ka pasal nina chu ka nina anga ngaiin, tuta kan vawi nawk chu "iengtin am kan beram haiin beiruol a hin thlaraua fak ding hmu thei an ta ?" ti chu ka lungrila sipliem a nih. Taksa le thlarau damna kan chang/dawng thei sengna ding chun Lalpa Pathien kuoma ka hni a ngai tak zet a nih.
Beiruol hi zantin inkhawm nisien khawm kei ve thung chu zantin kan khawm thei naw ding a nih, asanchu ka nau lutir hi inkhawmpui thei an naw leiin nau dawn insawk kan thaw hlak leiin. Kei anga beiruol inkhawm țhang nuom em ema inkhawm thei lo hai ta dinga ka hung hril nuom chu hi hi a nih. Beiruol inkhawmna țhang thei naw inla khawm Lalpa Pathien chu ei kuoma a um zinga A ma chu lungril le titak zeta ei zawng/biek chun A mi dawn zing a nih.
A thei phawt chun damnawna lei le harsatna leia i suok thei naw a ni ngawt naw chun, kohran hai inkhawmna beiruolnaa țhang ngei dingin Lal lsu hmingin ka fiel che/cheu a nih.
Kan naupang laia thingpuisen thlum ngawi ngawi neka thlum lem Pathien thu da thei lo chu faa dawn ngei dingin ka ditsakna insangtak kan hlan che /cheu.
LALPA LEH BEIRUOL HMANG INHAWI SENG RO LE!
