TAITHU/CCPUR, Sept. 3, 2018, Spl. Correspondent, HT/Virthli (ONP): Pherzawl District sunga um NH-02 (NH-150/Tipaimukh Road ti khawma hrietlar), tulai hnai el a khawm mimkei tlung rawpna hmun le Taithu khuomi ha'n 'Dawr Kawn' tia an ko hlak bulhnai, lampui chung a um, Taithu khuo a EFCI biekin chu mimkei leiin a tuolpûk ṭhîek a nih.
Taithu EFCI bîekin hi bâwl zo ani a inthawk sawtnawtê hnungin mîmkei (Taithu mîmkei tia ko hiel le hrietlar) leiin a ṭûong le bang hai a kak a. A thar bâwl nawk dingin inpuocha nawk ani a. Amiruokchu, Pastor Quarter le Naupang Sunday School building hai bawlna ah sum tam tak hmang ani leiin hma lâk hrat thei ani naw a. Chuong karlak a chun mîmkei hin a lo sawichâng nasa tah hle a, inkhawmna ding dang la um chuong bawk lo leiin nuom le dit thlang thei ni chuong bawk loa tuolpûk ṭhîek zâng a, tawite bêk la inkhâwm theina ding ngaituona leia biekin tuolpûk hi ṭhîek el a hung ni tah a nih.
Bîekin hmun thar ding khawm JCB hmanga nawr zawl vawng tasa le tuta a tuolpûk ṭhîek a um hi bâwl a inthawk tuchen hin kum 10 lai chau la hluo a nih.
Pherzawl District hi sum le pai ah Manipur sawrkarin thuneina a la pek naw leiin harsatna kawng tum tum haiah a tuok mek a. Chuonglai zing chun sawrkarin a pek thei le ṭhangpui thei hlak a um angin hieng ang natural calamity/disaster thil a siettuok hai hi ṭhangpuina um thei sien nuompui an um hle. Sawrkar thuneitu tieng khawma an uksak ngei nuom a um.
Taithu EFCI bîekin hi bâwl zo ani a inthawk sawtnawtê hnungin mîmkei (Taithu mîmkei tia ko hiel le hrietlar) leiin a ṭûong le bang hai a kak a. A thar bâwl nawk dingin inpuocha nawk ani a. Amiruokchu, Pastor Quarter le Naupang Sunday School building hai bawlna ah sum tam tak hmang ani leiin hma lâk hrat thei ani naw a. Chuong karlak a chun mîmkei hin a lo sawichâng nasa tah hle a, inkhawmna ding dang la um chuong bawk lo leiin nuom le dit thlang thei ni chuong bawk loa tuolpûk ṭhîek zâng a, tawite bêk la inkhâwm theina ding ngaituona leia biekin tuolpûk hi ṭhîek el a hung ni tah a nih.
Bîekin hmun thar ding khawm JCB hmanga nawr zawl vawng tasa le tuta a tuolpûk ṭhîek a um hi bâwl a inthawk tuchen hin kum 10 lai chau la hluo a nih.
Pherzawl District hi sum le pai ah Manipur sawrkarin thuneina a la pek naw leiin harsatna kawng tum tum haiah a tuok mek a. Chuonglai zing chun sawrkarin a pek thei le ṭhangpui thei hlak a um angin hieng ang natural calamity/disaster thil a siettuok hai hi ṭhangpuina um thei sien nuompui an um hle. Sawrkar thuneitu tieng khawma an uksak ngei nuom a um.
