~ Jami Darngawn.
Awle, Ei Lalpa lsu chun hieng hin a hrila nguk takin lo tiem ei tih.
Marka 8:
34. Chun mipuihai chu a țhuoihruoihai le chun a kova, an kuomah, “Tukhawma mi zui a nuom chun, mani inngaisak dêr lovin, a kraws putin mi zui raw se.
35. Tukhawm ama hringna sanhim nuom taphawt chun chân a tih, tukhawm kei a lei le Chanchin Țha leia hringna chântu chun sanhim a tih.
36. Mîn khawvêl hi a pumin nei sien, a nun chân si sienla, ieng am țhahnem a ta?
37. Mîn a hringna sikin ieng am pêng a ta?
38. Tukhawm tulai ruolthar uire hmang le suoksuolhai lai kei le ka thu inzapui taphawt chu, Mihriem Naupa hi a vântirko thienghlimhai le a pa ropuinaa inthuoma a hung pha chun, ama chu hung inzapui ve thung a tih,” a ta.
Ani ngei, mihriem tuel khawmhi harsatna (kraws) neilo/tuoklo ei um ring a um nawa, a bikin Ringtuhai hin, mani kraws seng hi chu rik ei ti ve seng ka ringa keikhawmin ka kraws put hi rik ka ti chang a tam ve hlak, a changchun ka kraws puthai hi arik em leiin ka thlukpui hlak, amiruokchu Lalpa hratna zar chauvin ka tho nawk hlak a nih.
Mani kraws put pei lova khawvela inhawi chenna zawnghai chun a tawpa țapna le lungngaina rapthlaktak an tuok ve ngei hlak, khawvel a puma nei nek chun ei nun him taka nei hi a hlu lem dei a nih.
Chanchinṭha leia harsatna le hringna chen lo chanhai dam hi inhnar an va um de aw! An lawmman ding chu khawvel lawmman ang ni ve lo ding a'na, ropui tak ning a tih.
Ei hringna hi a hlu em leiin ei hringna sika pek ding iengkhawm a um naw ang bawkin, ei hringnun hi hmang thiem ava țul ngei de!
Ruolthar uire hmang le suoksuolhai ti tak hin kawk tamtak nei ngei a tih, chuonglaizing chun, hienghin hang la ta inla. Mihriem uire hmang le suoksuol chu nang le kei ei nih. Uire hmang ti le suoksuol ti chu Lalpa ta/suok ei nia chu a mi tirna anga ei um naw pha chun "Suoksuol" le "Uire" ang ei nih. Chuleichun nang le kei khawm Lalpa lsu'n a vantirkohai le A Pa ropuina inthuoma a hungpha a min zapui nawna dingin ei damlai hin theitawpin Lalpa Pathien ditdan anga umin, A Rawng bawl ei ta, chun ei mihriem chanpuihai Chanchinṭha hrie taha tlu nawka chau ngawi ngawi hai leh la hrie naw hai kuoma hmangai takin Chanchinṭha hi ei hril pei ding a nih.
LALPÂN A THU MALSAWM RAW SEH.
Awle, Ei Lalpa lsu chun hieng hin a hrila nguk takin lo tiem ei tih.
Marka 8:
34. Chun mipuihai chu a țhuoihruoihai le chun a kova, an kuomah, “Tukhawma mi zui a nuom chun, mani inngaisak dêr lovin, a kraws putin mi zui raw se.
35. Tukhawm ama hringna sanhim nuom taphawt chun chân a tih, tukhawm kei a lei le Chanchin Țha leia hringna chântu chun sanhim a tih.
36. Mîn khawvêl hi a pumin nei sien, a nun chân si sienla, ieng am țhahnem a ta?
37. Mîn a hringna sikin ieng am pêng a ta?
38. Tukhawm tulai ruolthar uire hmang le suoksuolhai lai kei le ka thu inzapui taphawt chu, Mihriem Naupa hi a vântirko thienghlimhai le a pa ropuinaa inthuoma a hung pha chun, ama chu hung inzapui ve thung a tih,” a ta.
Ani ngei, mihriem tuel khawmhi harsatna (kraws) neilo/tuoklo ei um ring a um nawa, a bikin Ringtuhai hin, mani kraws seng hi chu rik ei ti ve seng ka ringa keikhawmin ka kraws put hi rik ka ti chang a tam ve hlak, a changchun ka kraws puthai hi arik em leiin ka thlukpui hlak, amiruokchu Lalpa hratna zar chauvin ka tho nawk hlak a nih.
Mani kraws put pei lova khawvela inhawi chenna zawnghai chun a tawpa țapna le lungngaina rapthlaktak an tuok ve ngei hlak, khawvel a puma nei nek chun ei nun him taka nei hi a hlu lem dei a nih.
Chanchinṭha leia harsatna le hringna chen lo chanhai dam hi inhnar an va um de aw! An lawmman ding chu khawvel lawmman ang ni ve lo ding a'na, ropui tak ning a tih.
Ei hringna hi a hlu em leiin ei hringna sika pek ding iengkhawm a um naw ang bawkin, ei hringnun hi hmang thiem ava țul ngei de!
Ruolthar uire hmang le suoksuolhai ti tak hin kawk tamtak nei ngei a tih, chuonglaizing chun, hienghin hang la ta inla. Mihriem uire hmang le suoksuol chu nang le kei ei nih. Uire hmang ti le suoksuol ti chu Lalpa ta/suok ei nia chu a mi tirna anga ei um naw pha chun "Suoksuol" le "Uire" ang ei nih. Chuleichun nang le kei khawm Lalpa lsu'n a vantirkohai le A Pa ropuina inthuoma a hungpha a min zapui nawna dingin ei damlai hin theitawpin Lalpa Pathien ditdan anga umin, A Rawng bawl ei ta, chun ei mihriem chanpuihai Chanchinṭha hrie taha tlu nawka chau ngawi ngawi hai leh la hrie naw hai kuoma hmangai takin Chanchinṭha hi ei hril pei ding a nih.
LALPÂN A THU MALSAWM RAW SEH.
