Responsive Ad Slot

The 2nd HSA Football Tournament Closing Ceremony ropui taka hmang

Thursday, August 30, 2018

/ Posted by Simon Infimate
Harangajao, August 30, 2018, Virthli (ONP): Harangajao HSA Huonveng Unit huoihawt 2nd HSA Football Tournament Closing Ceremony chu zanikhan Huonveng (HJO) Playground ah hlawtling le ropui taka hmang zo a nih. Hi huna hin Chief Guest in Pu Ngamrothang Hmar, EM, NCHAC chu hmang ani a, Guest of Honour in Pu Rilchawnher Hrangkhawl, Harangajao Block Chairman hmang ani bawk a nih.

Closing Ceremony hun hi zantieng dar 3:00PM a tan niin, hun hmasataka Upa Sumhlitho Hekte in hun hawng tawngțaina anei a, Pu Rotluong keivom in hnesaw takin Programe a keihruoi a, Secretary John L Tuolor in introduction hun a nei zoin, President Lalrothan Vankal in Welcome Speech le Felicitation of the Chief Guest (Memento le Thangsuopuon) hun hmang zawm nghal in, khuollien puon insiltirna nei a nih. Chun, hi huna hin Chief Guest kuoma Memorandum khawm pek a nih a, chutaka chun Chair (100 pieces) Information Centre building with MIC set, Computer (Three set) le thil dang dang hni a nih.


Chief Guest Pu Ngamrothang chun Hmar hnam a hin an hnik zie, iengtiklai khawma Hmar ei nina hi inzakpui lo a, pholang le suk lar tu ni di'n fekhawmtuhai kuoma infuina thucha a hrila, hnam le HSA hming ani phawt chun iengtiklai khawma an hawng thu hai a hrilsa baka Player hai kuoma thucha țha tak tak el hai an'cha sa bawk. Hi hun hi Harangajao ruom sunga mipui, HSA Harangajao Block thuoitu, Kohran Upa le Khawtlâng țhuoitu thahnem tawk takin an uop a nih.

Final Match hi VANGLAI AC (Buomuol Bagan) le West End FC (Huonveng) in an inhnela, 40+40+5 minutes inhnel in, Score 2-2 niin Penalty in Vanglai AC haiin hnena nopui an dawm a nih. Lawmman inhlanna hunser chu Chief Guest in a hmang a nih. HSA Huonveng Unit chun Pu Ngamrothang Hmar chunga lawmthu an hrila, malsawmna tam tak dawng pei dingin distsakna an inhlan bawk a nih. 


Don't Miss
© all rights reserved
made with by Simon L Infimate