Responsive Ad Slot

Sinlung Hills Council in journal (newsletter) insuo ding

Monday, August 27, 2018

/ Posted by Simon Infimate
Aizawl, 27 August, 2018, Virthli (ONP) : Sinlung Hills Council (SHC) chun area mipuihai chanchin inhriet pawna ding le inthuruolna thalem a um theina di'n tiin thlatin vawihni suok chanchinbu buotsai a tuma, hi chanchinbu hi a tir chun a tlawna sem ning a ta, a hnungah ruok chun a tul dan izirin lak man (subscription fee) tlawmte um a tih.

Chanchinbu hming dingin "SINLUNG HMATHLIR" thlang a nia, Hmar tawngin thlatin vawihni (fortnightly) suok a tih.


Hi chanchibu hi media tienga tawnhriet nei tha, tuta national paper 'The Telegraph' le 'Newmai News Network' ah correspondent ni lai mek le Mizoram local English daily- 'The Mizoram Post' ah reporter  ni bawk Tv Henry L. Khojol le Mizoram local English daily- 'News Link' a reporter sin thaw lai mek Tv Lalthuthlung Zate @ H Zate ha'n Editor le Joint Editor sin chelin an buoipui ding a ni leiin thatawk dinga beisei  a nih.

Chanchinbu buotsai an tumna san hrilin SHC CEM Pu Lalthalien chun SHC area sunga hin chanchinbu a tlung dukdak naw leiin ti angin mipui nawlpuiin thil an hriet (aware) tawk naw a nih a tia, chanchinbu hmanga mipui educate le chanchin pawimaw baka, council hmalakna hai hrilhriet chu an thiltum tak ni'n a hril.

Hi baka hin chanchinbu hmanga Hmar tawng suk hmasawn le mipuiah inthuruolna le inpumkhatna tha lem intlung tir chu an thil tum a ni bawk thu a hril.

Sinlung Hmathlir issue hmasatak chu hung tlung ding September ni 4, 2018 hin SHC cell office, Khatla, Aizawl ah  Pu Lalthalien in tlangzar a tih.
Don't Miss
© all rights reserved
made with by Simon L Infimate