Aizawl, August 15, 2018, Virthli (ONP): Vawisun khan Hmar Inpui (Hmar Supreme House) Mizoram Region Executive Committee nei ani a, Mizorama Hmar hnam pum huopa Conclave nei dingin an rela, hi huna hin Sinlung Hills Council (SHC) ṭhuoitu hai le HSA ṭhuoitu hai khawm fiel anni angin an ṭhang.
Mizoram Hmar Inpui meeting a hin Mizorama Hmar hai inlungruol tak le hmasawna tamtak an nei theina ding tiin Conclave nei nisien tiin an rel a nih. Hi chungchang a hin hnam in iem a mamaw le ṭul ti hai nguntaka ngaituo (study) phawt a ngaia an hriet leiin Committee hran Study Group insiem nisien ṭha an ti a, hieng a hnuoia ang hin Committee (Study Group) siem a nih.
Chairman - Pu Rothangkhum Sungte, Treasurer HI, Mizoram Region
Secretary - Pu. K. Lalramṭana, President, HSA Aizawl JHQ.
Members:
Pu VL. Khawbung, President, HSA Sinlung Hills JHQ.
Zothanmawii Zote, President, HSA Kolosib, JHQ.
Lalvenhima Hmar, President, HI, Mizoram Region
James Hrangchal Secretary, HI, Mizoram Region
Lalthlamuana Hmar EM, SHC
Remruata Varte, Member, SHC
Siemchunghnung Pulamte, Jt. Secretary. HI, Mizoram Region
Chun, hi meeting a hin Kolasib Hmar Welfare Committee haiin INPUI a recognised dinga an hung ngenna chu a pawmpui bawk a nih.
Hun tawp tiengah Chairmanin a fiel angin Sinlung Hills Council (SHC) aiawin Pu Remruata Varte in an hmalak dan tlangpui report a peka meetinga fe khawm hai chun lawmum an ti hle a nih.
