Responsive Ad Slot

Pherzawl ah I-Day hmang dinga fe Official hai HSA in an kir ding dang

Wednesday, August 15, 2018

/ Posted by Simon Infimate
Pherzawl, August 15, 2018, Virthli (ONP): Vawisun khan Pherzawl District huopa Independence Day lawmna hunser chu Pherzawl a hmang a nih. Programme zofel a ni char hin HSA Hmarram Joint Headquarters le GHQ hmalaknain mipui le inchuklaihai chun Sawrkar Official I-Day hmang ding ringawta hung hai chu lam an dang pek a, ngenna thu hai ziek a tarsuokin le kheksuok puiin khawlai an fang bawk.


Inchuklaihai le mipui hin "Cam Office kan dit ta nawh, mi maksan ta naw ro, in hun hai mi hmangpui ro, mipuiin kan mamaw cheu, um sawng ta ro etc etc" tiin thla invai ngawi ngawi le beidawng takin an kheksuok pui.

Pherzawl DC chu I-Day a hin a hung ve naw a, ama ai hi Pu Thianlaljoy Gangte, ADC, Pherzawl in a aw angin HSA hin DC kuomah ngenna an pek a, SDO/BDO hai an office hmun ngeia office kai ta dinga order insuo dingin an phut a nih. Hieng lai zing hin ADC, Pherzawl chun Pherzawl a um a Office a kai ta ding thu HSA thuoitu hai hi ziek ngeiin a pek a nih. ADC in a thutiem chu HSA hin inza le ringzo takin lam an inkieng a, thawktu hai po po an office hmun ngeia an um ngei beisei tlat an ni tah.
Don't Miss
© all rights reserved
made with by Simon L Infimate