CCPur, August 07, 2018 (HT): Hmar Holy Bible ei nei hmasatak lâwmna chu October 22, 1968 kha a ni a, Sielmat, Hmarkhawlien, Muolhoi, Ankhasuo, Kanghring le Senvawn khuo haiah hmang a nih. Chuong lai huna Bible Translation tienga mawphurna latuhai chu Rev. K.T.Amos (late) le Rev. Hrilrokhum Thiek, Rev. Lalkhawmawi Tuolte (late) hai an nih. Lâwmna hmunpui tak chu Sielmat a ni a, hmangpuitu dingin Bible Society tienga mawphurtu mi pahni fiel an nih. Hi huna Holy Bible hla “ Rohlu a va ni ngei’ ti Pu, Lalbieklien Songate phuok chu nasataka saklâr a nih.
Tukum 2018 hi a kum sawmngana ding a ni tâk leiin Golden Jubilee lâwmna nei dingin Hmar Bible Translation Committee chu ân buotsai ṭan mêk a. A hmun ding hril la ni naw sien khawm a tarik chu November 24-25, 2018 khi hei tinzâwn phawt a nih. Hi ni hin ei hmang tlâng seng theina dingin Kohran tin Year-planner haiah programme dang siem lo dingin Kohran tina lukhaituhai kuomah ngênna siem a ni a, chuong ang bawkin hnam tienga mawphurna nei hieng Hmar Inpui, HYA, HSA le HWA ṭhuoitu tieng khawm hi hun hi hlimtaka ei hmang tlâng seng theina dingin programme dang siem lo dingin hi Chanchin Bu hmang hin ngênna hung siem a nih. Lâwmna hmasaka angin hmun tum tumah hmang a ni ding le ding naw chu a biel mihai chunga innghat n$ng a ta, Hmar Bible Translation Committee chun Tuiṭhaphai biela ding chauin riruong a hei siem phawt a nih. Pathien zâra buoina um lova ṭhataka hmang a ni theina dingin ṭawngṭainain lo hre seng dingin Rev. H.B.Hluothang, Secretary, Hmar Bble Translation Committee in ngênna a siem.
Tukum 2018 hi a kum sawmngana ding a ni tâk leiin Golden Jubilee lâwmna nei dingin Hmar Bible Translation Committee chu ân buotsai ṭan mêk a. A hmun ding hril la ni naw sien khawm a tarik chu November 24-25, 2018 khi hei tinzâwn phawt a nih. Hi ni hin ei hmang tlâng seng theina dingin Kohran tin Year-planner haiah programme dang siem lo dingin Kohran tina lukhaituhai kuomah ngênna siem a ni a, chuong ang bawkin hnam tienga mawphurna nei hieng Hmar Inpui, HYA, HSA le HWA ṭhuoitu tieng khawm hi hun hi hlimtaka ei hmang tlâng seng theina dingin programme dang siem lo dingin hi Chanchin Bu hmang hin ngênna hung siem a nih. Lâwmna hmasaka angin hmun tum tumah hmang a ni ding le ding naw chu a biel mihai chunga innghat n$ng a ta, Hmar Bible Translation Committee chun Tuiṭhaphai biela ding chauin riruong a hei siem phawt a nih. Pathien zâra buoina um lova ṭhataka hmang a ni theina dingin ṭawngṭainain lo hre seng dingin Rev. H.B.Hluothang, Secretary, Hmar Bble Translation Committee in ngênna a siem.
