Responsive Ad Slot

Commonwealth Parliamentary Conference a fe a hung kir nawk tah

Thursday, August 30, 2018

/ Posted by Simon L Infimate
CCPur, August 29, 2018 (HT): Dr Chaltonlien Amo, MLA, National Executive Member, AICC chu Commonwealth Parliamentary Conference August ni 17-19, 2018 ṭhang dinga Guwahati fe zoin, Delhi tieng fe peiin a biel sunga Project proposals le inzawma Ministry dang dang le a bik takin Ministry of Road Transport & Highways a thuneituhai August ni 21, 2018 khan inhmpuina neiin ama biel (Tipaimukh A/C) sunga lamlien hieng CCpur- Tipaimukh Rd. (NH-2), Jiri-Tipaimukh Rd (State Rd) le tulaia biel sunga lamlien le sin dang dang thawa um mek, a lo bawzui tahai hmalak inhmaw dan ding hriltlangna an nei. CCPur-Tipaimukh (NH-2) 185 Km. – 262 km (Tuivai vadung) chen siemna ding tuta BRO (BRTF) nita loa NHIDCL haiin mawphurna an lakta hi, sin latu ding Contractor sukfel vawng nita sia sin thaw ṭan lova la um zing hi ṭan vat a ṭul thu an hril. An hril peina a chun, Taithu khaw sunga Lamlien kumtluona chim zing (sinking) area chu hel (diversion) a ṭul zie le 4kms. Vela sei lamthar sat a ṭul ding zie khawm an hrilsa bawk. Imphal a tlung ni in NHIDCL official- hai le hohlimna neiin an sin ṭan dingin biel tieng zani 27-8-2018 khan a pan.


Jiri-Tipaimukh (State Rd) thu chu NHIDCL haiin Survey thaw tahai sienkhawm sawrkar (MoRTH) le kara sukfel ṭul a um leiin sin ṭan nghal thei a la ni naw thu a hril bawk. Dam takin Imphal a hungtlung nawk tah.

Ama Pu Chaltonlien hi tulai hnai el khan All India Congress Committee, National Executive Commtt. (NEC) member dinga Shri Rahul Gandhi, Congress President in appointment a hung pekna le inzawmin Congress hotuhai inhmupuina a nei bawk.

-Input:Alfred L. Sungte,
Secy. Information, HNU.

Don't Miss
© all rights reserved
made with by Simon L Infimate