Responsive Ad Slot

Hnam Pual Zirlai Pawl in an dem

Tuesday, July 17, 2018

/ Posted by VIRTHLI HMAR
HNAM INPUMKHATNA TI CHHE THEI ZAWNGA INSAWI CHHIATNA AWM LEH THIN HI HNAM PUAL ZIRLAI PAWL CHUAN AN DEM

PRESS RELEASE
Date : 17 July 2018

Zofate hi hmun hrang hrang leh tlang hrang ah cheng mah ila unau kan nihna a bo chuanglo. Ramri in min then mahse chhulkhat chhuak thisen inzawm vek kan ni tih hi Hnampual Zirlai Inzawmkhawm Pawlte ngaihdan ani.

Tun din hmunah Hnampual Zirlai Inzawmkhawm Pawl hi Hmar Students' Association(HSA).Pang Zirlai Pawl(PZP).Mizoram Bawm Students' Association(MBSA).Lai Students' Association(LSA).Mara Students' Organisation(MSO).Ranglong Students' Union(RSU).Siam sin Pawlpi(SSPP). te nen lungrual takin Hnam inpumkhatna tan thawk ho mek ani.

Tunhnaiah mi thenkhatin kan unau Hmar te rilru ti na zawng leh chi inthliarna ang zawng leh zofa inpumkhatna ti chhe thei zawnga social media hrang hranga post awm hi pawi kan ti in heng post siamtu te hi kan dem tak zet ani. Tun hnuah hetiang thil hi thleng nawn tawhlo turin kan duh tak zeta, hetiang chi inthliarna ang zawnga thu delhkilh lo post hi a awm tawhlona turin zoram mipui leh Zofa unaute i fimkhur theuh ang u.

Tin, tawng chungchang insawi chhiat sak emaw indiriamna ang chite pawh hi kan fimkhur a ngai tak zet. Zofate hnam hrang hrang te kan culture, kan identity kan vawn nuna kan tih hmasawn hian mizo hnam hi a ti ropui ani tih i hre thar theuh ang u.

Hetiang a Zofa ṭheuh ṭheuh inhmuhsitna leh diriamna ṭawngkam bawlhhlawh hmanga thuchhuah leh thu belhchian dawllo a inpuh hi tun hnu ah chuan awm tawhlo se. Hetiang hnam inhmuhsitna rawngkai ṭawngkam kan hre leh anih chuan a tawp thlengin hma kan la zel ang.



Sd/
(K.LALRAMTANA)
Gen.Secretary

Sd/-
(HERBERT RAMENGMAWI)
Chairman.


Don't Miss
© all rights reserved
made with by Simon L Infimate