CCPur, June 08, 2018 (HT): Pherzawl District sunga Parbung khuoa nuhmei kum 16 mi thuoihmang le suolluitua intum Lalringvar (23), s/o Thangkhumvel Hrangchal of Lungthulien village le a ruolpa Simeon Bqrjon (37), s/o Kolla of Lungthulien hai chu Hmar Women Association (HWA), Hmarram Region, Pherzawl District in June 6, 2018 a Police-a report an peklut dingzuiin man an nitah tiin Police a inthawk ei thu dawngna chun a hril. Report um le inzawm hin SDPO/Thanlon; Officer in-charge Parbung Police Station; Women Police Station, CCPur hai thangruol-in June 6, 2018; 5:30PM khan mi suolluitu a intum hai hi an man a, FIR No. 3(6) 2018 WPS-CCP u/s 365/366/366(A)/368/34 IPC & 4 of POSCO Act, 2012 file khumin case hi an suizui mek niin police thusuok chun a hril. Repott um dungzui hin nuhmei kum tlinglo hi Bolero motor hmanga an phur dawk le Lungthulien ram a Reserve Forest Vawmpalung an tina hmuna thawluina hmanga an suollui bakah an sawisak nia hril a nih.
