Responsive Ad Slot

Khawlien ah Career Guidance Cum Felicitation Program hlawtling taka hmang

Wednesday, June 13, 2018

/ Published by Simon L Infimate
Khawlien, June 13, 2018, Virthli (ONP): HSA Sinlung Hills JHQ huoihawtna hnuoiah Khawlien a Rimawi English School Conference Hall ah Career Guidance Cum Felicitation program chu hlawtling taka hmang a nih. Hi huna hin Pu Sanghmingthanga, Chairman, ACBOA chu Chief Guest a á¹­hangin inchukna/ education ah nu le pa'n mawphurna tam tak an nei thu a hril bakah HSA in hiengang hun a buotsai hi ropui a ti hle thu a hril bawk.

Hi hun a Resource Person Pu Lalsiamhnuna, Principal Govt. Saitual College chun zirtirtu mawphurna le nu le pa mawphurna tam tak a hril a, naupanghai career lampui chi hrang hrang hai kawkhmuna le infuina thu á¹­ha tak tak hai hrilna a nei.


Hi hun a hin HSA Sinlung Hills HJQ President Pu VL Khawbung chun thu hrilin, inchûkna hi a tak taka fepui a tul thu a hril a, HSA hmalakna hai a tlangpui hrilin naupang hai infuina a nei bakah Saitual a Hmar tlangval Lalsanglura, HSSLC Mizoram ah Top 7th (Science) chu lawmpuina thilpek a'nhlan bawk.

Tukum sunga HSLC le HSSLC exama 1st Division le Distinction chungtienga pass student 21 hai kuomah Chawimawina thilpek inhlan ani bawk a nih.

Hi program hi Khawlien khawtlang á¹­huoitu, inchuklai, nu le pa haiin an lo á¹­awiawm hnein, an ditsak hle thu Pu Lalthlirlien Hmar, General Secretary, HSA Sinlung Hills JHQ ainthawk ei dawng.

Don't Miss
© all rights reserved
made with by Simon L Infimate