Hmarkhawlien, June 9, 2018, Virthli (ONP): June 3, 2018 ni a Hmar khuo in 18 vel umna Jiriphai field ah silai Naga helpawl han an hmet puok le inzawma an in lum hai chen khawm del ngam ta loa an khuo an zamsan le inzawmin vawisun khan Hmar Inpui Barak Valley Chair laknahnuoia joint meeting nei a nih. Hi joint meeting a hin Jiri tienga hnam thuoitu, Hmar Inpui Coordintion Committee, HNU Block 6, HSA Jiri JHQ thuoitu hai leh Assam tieng HNU Assam, HYA Barak Valley JHQ, VC-Hmarkhawlien, Chikhur, Chikhur Huonveng le Haokip Punjee thuoitu hai Hmarkhawlien-ah Joint Meeting nei a nih. Joint Meeting hin karthar hin Naga tienga an Civil Society thuoitu hai leh Hmarkhawlien ah table khata inbiekna nei ngei dingin thuthlukna an siem a nih.
