Responsive Ad Slot

HSA Jiribam JHQ 2nd Conference hlawtling taka hmang le thuoitu thar ding thlang

Friday, June 29, 2018

/ Posted by VIRTHLI HMAR
Jiribam, June 29, 2018, Virthli (ONP): Vawisun khan HSA Jiribam JHQ chun 2nd Conference hlawtling takin Tuisuolien khuo ah an hmang. Hi hun hi session pahnia țhe a ni a, first session ah felicitation program hmang niin, pawl 10 a inthawk chungtieng, tukum sunga inchukna tienga hlawtlingna chang hai lawmpuina certificate mi 69 hai kuoma inhlanna nei a nih. First session ah Chief Guest le Guest of Honour hai neiin thu țha tak tak ngaithlakna nei ani a, Upa Lallawmsang, Advisor, HSA Jiribam JHQ chu Chief Guest a hmangin thu țha tak tak hrilna a nei a, HSA Jiribam JHQ ta dingin computer set pek dingin an tiem. Chun Guest of Honour Pu Lalringsan, social worker khawmin thu țha tak tak hrilna neiin thilpek inhlanna hai a nei bawk.


1st session hmang zoin secretary report ngaithlakna nei a ni a, kum 2018-20 sunga HSA Jiribam JHQ țhuoitu ding Pastor Solomon Tuolor le Upa Lallawmsang Tuisuolien hai keihruoina in election nei a nih.

Kum 2018-20 sunga HSA Jiribam JHQ țhuoitu dingin hieng a hnuoia hai hi palai 67 fekhawm haiin lunginruol takin an thlang.

President-Tv. Robert Gangte
V. President- Tv. Rothanglien

General Secretary- Pu. Eden. H. Pena
Asst. Secretary- Tv. L. Zailawm.

Finance Secretary- Nk. Lalhnemzo.
Treasurer- Nk. Janeth.

Departmental secretaries, advisors le auditors hai chu thlang thara um hai ruot dinga sie a nih.
Don't Miss
© all rights reserved
made with by Simon L Infimate