Parbung, June 7, 2018, Virthli (ONP) : Hmar National Union (HNU) GHQ hmalâkna hnuoiah June 6, 2018 dar 1;00 PM khan, kum 2018-2021 sûnga HNU Block-I a țhuoitu ding hai MGNREGS Training Hall, Parbung ah inthlangna nei a nih. Hi huna hin HNU Block-I hnuoia khuo 7 a palai fe khâwm hai chun hienghai hi ân thlang:
President: Pu Lallienthang (Parbung)
Vice-President: Pu Ebenezer (Parbung)
Secretary: Pu L. Țhasiem (Pherzawl)
Asst. Secy.: Pu John Mesak (Taithu)
Fin. Secy.: Pu Mosie (Parbung)
Treasurer: Pu Ngaituolien (Pherzawl)
Info. Secy.: Lalringfel (Damdiei) & Lallienchung (Parbung)
Hi huna hin Pu L. Thanzam Pulamte, Gen. Secy. HNU in thu a hrilna chun Pherzawl District sûnga sorkar thawktuhai ân umna ding hmun ngeia inumtir di’n, HNU khawma thei tawp suoa hma ân lâk mek thu, Pherzawl DC kuoma khawm ngênna ân siem tah thu le HNU Unit Level le Block Level tinhai khawma Pherzawl District hmasawnna dingin theitâwp suoa hma la dingin infûina a nei.
Inthlangna nei a ni zo in, HNU Block - I a Working Committee ding siem ani a. Block Working Committee dingin Pu Khumte (Tinsuong), Pu Rochunghnung (Pherzawl), Pu H. Malsawm (Taithu), Pu Ebenezer (Tuolbung), Pu Buonga (Maulien), Pawla (Damdiei), Pu Challienthang (Parbung) le Pu Thangsunlien (Parbung) hai ruot ân nih. HNU Block-I inthlangna hun hi Pu L. Thanzam Pulamte, Gen. Secy., HNU, GHQ, Pu Lalthlamuong Keivom, Jt. Secy., HNU, GHQ le Pu Pawlsiemlien, Vice- President, HNU, GHQ ha’n ân uop. HNU Gen. Secy., Pu L. Thanzam Pulamte in hun khâr țawngtaina a nei zoin hun suktâwp a nih.
