Hmarkhawlien, June 8, 2018, Virthli (ONP): Barak Valley Hill Tribes Development Council (BVHTDC) hmalaknaa Assam sawrkar in tlangmi hai ta dinga Power Tiller 71 pek dinga a ti, nikum laia 24 zet sem lo ni tah chu vawisun khan 17 sem nawk a nih. Sem tah po bak a hin 30 ala baka chu hai chu tuta thla sunga sem ani nawk ding thu ei thu lakna chun a hril.
Vawisuna Power Tiller sem suokna hi Pu Tombi Singh, Lakhipur SDAO, Pu Gideon Lalthomlien Hmar Chairman, BVHTDC le Pu Lalthuthlung Hmar Coordinator, NEICORD ACTED haiin an nei a nih.
Barak Valley sunga District 3 hieng Cachar, Hailakandi le Karimganj haiin hi thil hi an dawng dinga riruong ana, tuta tuma mi hi Cachar le Hailakandi hai chan ding a nih.
Ei thu lakna in a hril dan chun Power Tiller hi mimal a dawngtu haiin a man 25% pe'ng an ta, a dang 75% chu Council in a tum pek ding a nih.
