Pu LALROPUI FAMHOITE: Vuina Programme le a Chanchin tawi

Pu.LALROPUI FAMHOITE: Vuina Programme le a Chanchin tawi

Thini: 21/5/2018

Vuini: 22/5/2018 ( Thawleni )

A hun: 10:30 AM

A hmun: Saikot Youth Club Hall

1. Conductor : Upa Zalenthanga

2. HIa: Ei lawng hi ei ram tieng khal ei tieu

3. Kohrana a chanchin hrilna le ralna: Secretary, Saikot ICI Sub-Hqrs

4. Ralna hunbik:

1.Saikot Sub-Hqrs NuhmeiPawl ICI

2. Pu hai

5. Thlamuongna thucha : Rev.Lalneikhup Hmar, P/S

6. HIa sakna : Ringin Kalvari tlang chungah.lnd.325

7. Tawngtaia ruong inthlasuokna : Rev.Lalneikhup Hmar, P/S 8. Thlana vuitu : Rev.Lalneikhup Hmar, P/S

Hla thuoitu : Pu.Ramkinlo & Pu.Rohminglien

Thlan Nghakni Dt.23/05/2018 ( Nilaini )

Conductor : Pu.Ramkinlo

Thuhriltu : Pastor Vungsanglien

------------

A chanchin tawi:

Pu Lalropui@Puia hi kum 1965, 23 September khan Rangiya, Assam ah a, a pa (L) Ex-Hav. L. Rimawi, 2nd Assam Regta a service laia pieng a nih.

Khawvel thiem var inchukna a chun inhma a PUC ei ti hlak kha a thaw mek laiin Pathien kona dawnin an chuklai maksanin kum 1988 khan CBS Calcutta ah Bible an chüka, Bible inchuk seng senga khawm tlawma standard insang lem beiseina leiim kum 1989 khan Trivandrum Bible College ah an sawna, TBC a'nthawk chawl hmanga veng (Saikot) a hung suoklai hin Mizoram sorkarin Churachandpur operation an hung thaw vanglai kha a nih a, a mi le sa (Hmarhai) tuorna le sukrimsika an umna popo a mit ngeia a hmu lei khan

'Thisenin a mi ko ie'

ti'n a Bible inchuk laklaw lai maksanin, hnam san dingin 1990 khan HPC a lo zawm tah a nih.

1990 khan HPC a join a, Mizoram le 1994 accord ziek a nih a, accord ziek zo hnung 1996 a HPC (D) a hung pieng khan Army Chief sin hi a chel tan nghala, a thuok tawp chenin a chel a nih.

Hi sin a chel sunga a hringnuna a thil tuok thenkhat le sin a lo chel sa hai:

1997 khan Bangladesh ah trainingin a fe a, hi taka hin a va trainingna a hotuhai mit a tlungin a IQ thatna khan hril a hlaw hle.

Kum 2011-2013 Vice Chairman UPF sin a chela, UPF a Vice Chairman sin a chellai vek kum 2012 khan Silchar Airport ah man a nih a, kum 2013 khan a suok.

Kum 2014-2016 khan UPF ah Secy Fin a chela, hí sin hi a chellai mek kum 2015 khan man a ni nawka, kum 2016 kum tawp tieng khan a hung suok nawk.

Chun, kum 2018,13 April khan Pu Puia rawi hin Hpc (D) Mizoram region chun Peace Accord an ziek a ni kha.

Kum 2017- a'nthawka a thuok tawp chenin HPC (D) ARMY CHIEF le Chairman UPF sin hi a chel a nih.

Pu Puia hin a nuhmei Pi Jeremy Lalengmawi-35 le a nauhai

Ms Jennifer Zosangmawi-16

Ms Uniky Lalhrietzing-06 a maksan a nih.

A chanchin hi a sangpa Pu Lalhmathuoi le Pu ElarEs siem a nih.