Responsive Ad Slot

Muolhoi Martyrs' Day (May 16, 2018) Report

Saturday, May 19, 2018

/ Posted by Simon Infimate
Pasalțha Buonlei changa piellei thuoriet hnuoia lo zâl ta hai súlhnungah fam ngãi zûnlêngpum'n Martyrs' Day chu Lalpa mi țhuoina zâr chauvin hmang zo a lo ni tah, Lalpa chu inpák'n um mawl raw seh.

Zîngkâr 8:00am ah Muolhoi Public ground a Martyrs' hai hrietzingna LUNGMAWI Hawngna Pu Roger Joute, Secy. HPC (D) Assam Region in a nei zovin Pastor Lalbelhliana UPC Mizoram in Silent Prayer neiin 1st phase chu suktâwp a nih.

Dâr 10:30am ah CH. Khawthlang Memorial Hall tuolah Bike Rally (Hmartob Biker) hai popo Martyr hai SÛNNA indiktaka hmang thei dingin Pu Rosang Hrangchal, President Hmar Inpui Assam Region in a Vailiem.

Dâr 11:30am ah Muolhoi Playground ah Salutation progm. sunzawmpei'n Nazareth Model High School Student, PMS High School Student le Elarzet Academy School Student hai popo le an Zirtirtuhai hungin, Hmartob Arts & Culture hai'n theitáwpsuo a Student hai popo Field záwlah HMAR ARASI in an hei rem chu a mâwi'n a ropui hle, Bike Rally hai Haflong OC vênghimna hnuoiah Chief Guest hung sâwmthla'n Hmar Arasi Student hai an hang inkuolkhum țhup chu a ropui ngei, Ennuom maktak chu a lo ni ngêi, Mipui țawngbau suok chun " Ka ring nekin a ropui ngei" ti hi thunawna hmang chu a ni tlangpui, Khuollien chu Chairman le Secretary Hmartob in an lo lawmlût zovin Rev. Samuel Lalringum Thiek in SLOGAN nei'n THE HMAR MARTYRS'.... TO GOD BE THE GLORY. ti'n Mipui popo in insamna nei a nih, Rev. Jubileethang Hrangchal in HLADO mawi mangkhênga insamna nei'n LAIPUI RI VUNG E ti'n Silai kâp'n salutation progm. khâr'n 3rd phase progm. sunzawm pei a nih.


Pu Lalsanglur Pena, V.Chairman Val-Upa Muohoi le Nk. N. Tingnunhlim Darngawn, Advocate hai'n thiem takin mipui an hei țhuoi chu thlamuongtakin a tâwp chen khawma mipui chêngmur'n a'n la'n țhung.Evangelist ei Speaker Tv.Lalrokung Inbuon in Opening Prayer neiin ,Pi Lalropui Hmar, President HWA JHQ. NC.Hills & Karbi Anglong in Tuipuirãl țawng le Hmar țawng'n thiemtak'n Welcome Address a nei chu țîn san ngaina a um nawh. Pu Lallawmzuol Tuolor Chairman Hmartob in Martyrs' Hmathlir, tâwifel takin hrilna a nei, Thuhril tâwi: Chief Guest Pu Laltlansang Hmar, Founder President of HYA JHQ. NC.Hills. Upa J. Ramthang Inbuon, Guest of Honour,The 2nd President of HSA NC.Hills & Karbi Anglong JHQ. Pi Zatling Joute, Functional President, The 1st President of H.M.A NC.Hills & Karbi Anglong. Pu Pauva Intoate, Chief Host, HPC Returnee hai'n ei Hnam ngirhmun le hmalâk dân ding dâm, Inthuruolna țhalem ei nei theina ding, Inchûkna tienga țhang lâk dân ding le tumru ding ei ni zie hai thiem tak le țawnbau tluongtlam taka mipui an mi hei châwm chu naa hrietna chau nilovin lunglai fang rum rum'n ngaithlak a'n hawi hle, Jedlyn Crew hai'n thiem takin lâm chi dang dang an hung Present a mit inkhapna hman um lovin induthaw taka en liem a nih, HSA Joint Higher Secondary & Colleges Unit ha'n lâm mawitak el an hung present bawka mit a tlaihle, GUN SALUTE hai'n Parade mawihnai takin Hmar Martyrs' Condolence Salute an hung nei lem kha chu mit pahni chau hi chu tawngkhawp a um naw ti deu vawng ei ni kha, mit a chêng nuom sâwt hle, Floral Salute: Hmar Inpui, Villages, Organisations le mimalin nei lai zinga Pi Lalnunsang Buongpui in Pasalțhahai Sûnna hlaa hnuk in-ul deu puma a mi hang in âwi dep dep chu Hnam ta dinga Martyr chang dingin a mi cho hle ni'n ka hriet, Vote of Thanks: Pu LH. Thiek, Gen. Secretary in hrilna neiin, Pathien zâr'n dam vawng2 ei ta kum thar 2019 chu PANDAL thara inlâwi lût ngei dingin mitin'n lungrilah invawi seng ei tîu, tiin, Pastor James Lalremthang Tuolor in țawngțaina neiin 3rd phase chu suktâwp a nih.

4th phase sunzawm peiin Pu Hlima Keivom MAC in Air Rifle Shooting Competition Hawngna neiin Competition nei nghal a nih, Football kick off hawngna Chief Guest in a nei zovin FINAL Hmarkhangzep FC (A) v/s PP FC (B) hai in inkhel mawitak el chun mipui mit an suktlai hle, hi hun a hin Bible Siciety Thawlawm dawlna nei a ni bawk.

Lawmman semnain a zui: Best Goalkeeper: Pu Simeon Buongpui, Hmarkhangzep FC (B)

Best Player: Mr. Ashish Langthasa PP FC (B(

Best Team: PP FC (A)

Highest Scorer: Mr. Sanga, Hmarkhangzep FC (A)

Air Rifle Shooting Competition
1st. Mr. Țhamawia Muolhoi Zone
2nd. Mr.Jimmy Joute, Retzawl zone
3rd. Mr. Lalhmudik Thiek, Mahur Zone.

People Choice Award: Mr. Bishal Langthasa

Sub Committee hai popo chungah HMARTOB CORE COM. in nasatakin lawmthu kan hril.

Football Players participants le Air Rifle Shooting Compt. participant hai popo chungah lawmthu kan hril

Lâm in entirtuhai popo, Lawmman le Fund Contributors le mipui popo chungah lawmthu kan hril takzet.

VIP, School Zirtirtu le Student hai popo chungah lawmthu kan hril tak meu.

INTHURUOL EI TÎU

Ei hnam mawina chu nang le kei a innghat a nih,
Kum nawk 2019 ah intuok nawk ngei dingin
CHIBAI

Sd/-
Pu LH. Thiek
Gen. Secretary
HMARTOB NC.Hills



Don't Miss
© all rights reserved
made with by Simon L Infimate