Responsive Ad Slot

HSA, Saiphai Unit Office ding bawl ṭan mek; a ban phun tah

Thursday, May 31, 2018

/ by Simon Infimate
Saiphai, Sinlung Hills, May 31, 2018, Virthli (ONP): Hmar Students' Association (HSA), Saiphai Unit Office building ding chu a foundation ban Thawṭanni khan phun a lo ni tah. Hi Saiphai HSA Office ding hi Mission Veng laia bawl niin a lien dan chu 20x10 feet a nih. Hi Office hi bawl zo ani huna chu a hnuoi po mipuihai chawl hadamna hlak (waiting shed) dinga siem ning a ta, a chung po chu Office a hmang dinga riruong a nih.


A bikin Sinlung Hills le NC Hills tieng hin HSA hi a hrat em em a, inchûkna tieng le thil dang dang a hai khawm hma nasa takin an lak tawl zing a nih. Office chau nilo Hostel, Hall le Guest House hai chen nei khawm hril ding an lo um tawl tah bakah vantlang hmang ding Zunin dam concrete a siem le thil dang dang bengvar thlak taka lampui sira khuo le ram sinsiena le kawkhmutu Signboard hmu ding a um bawk.

Hnam hminga pawl um hai laia hieng ang Unit Office mani ngei a nei thei hiel hi chu hriet ding a tam naw hle. HSA ang bawk hin hnam sunga pawl dang hai khawm  mani ta le ram ngei a Office building nei ngei dan ding ngaituo a hmalakna hrattak um thei tawl ve sienla chu thil ṭha tak le hnam hmasawnna chikhat khawm hung ni bawk a tih.
Don't Miss
© all rights reserved
made with by Simon L Infimate