Responsive Ad Slot

HSA Education Awareness Campaign hlawtling taka nei

Friday, May 4, 2018

/ Published by Simon L Infimate
Vairengte/CCPur, May 04, 2018, Virthli (ONP): April 4, 2018 sun khan Mizoram state sunga um Hmar Students' Association (HSA), IOC Veng/IOC Unit, Vairengte huoihawtnain Education Awareness Campaign Program an Veng Community Hall ah hlawtling takin an nei. Hi huna hin inchûklai le zirtirtu hai popo ṭhang thei dingin SDEO le SDO haiin venga school um hai popo chawl an puong pek a, khawsung nu-le-pa le naupang a chin, a lien hi program a ṭhang an ṭhahnem hle a, zantieng bufak tlangna mipui fekhawm ṭhahnem tawk tak haiin an nei nghal bawk.

Resource Persons in Asst. Prof. Dr. Vanlallien Pulamte le Pu Ramdinthara SDPO, Vairengte hai an ṭhang a, Zirtirtu le Naupang Mawphurna Dr. Vanlallien in a hril a, Inchûknaa nu-le-pa mawphurna le Khawtlang/NGO mawphurna hai Pu Ramdinthara in a hril. Chun, anni hai baka hin Pu H. Lalchawimawia OC, Vairengte in Prevention of Children from Sexual Offences (POCSO) a hril bakah thuhril tawi MSACS, VC III le YMA, IOC Branch haia inthawk ngaithlak le hun karlakah hai Nk. Uniky Khawlhring, Tv. J. Rorelsang Buhril le Nk. Lalnunfeli haia inthawk hla ngaithlak niin kohran tum tum le khawtlang a ṭhuoitu hai khawmin ṭawiawmin chanvo peka an um angin hun an hmang bawk.

Hi huna officer á¹­henkhatin thuhrilna an neina hun a Hmar hnam ngei an ni thu an in puong chun lawm a hlaw hle a, a hma chun Hmar ka nih ti hi lo inzapui an um hlak a, tu ruok hin chu ngampa takin ei hril ngam tah a, lawm a um hle tiin hi hun a á¹­hang ve HSA á¹­huoitu á¹­henkhat chun an hril.


Don't Miss
© all rights reserved
made with by Simon L Infimate