Responsive Ad Slot

Hmar mihrang Pu Lalropui Famhoite sunna hunser Aizawl ah

Tuesday, May 22, 2018

/ by VIRTHLI HMAR
Aizawl, May 22, 2018, Virthli (ONP): Hmun dang danga Hmar nauhai ruolin vawisun khan Hmar Inpui, Mizoram region, Hmar Students' Association (HSA) le lusun sungkuohai buotsaiin May ni 21 zana hun lo taka fam milo changsan tah Hmar pasaltha Hmar mihuoisen/mihrang, C-in-C, HPC(D) le UPF chairman ni bawk Pu Lalropui Famhoite sunna hunser chu NEREFS Hall, Sikulpuikawn, Aizawl ah khuntaka hmang a nia, hi huna hin hnam thuoituhai bakah mipui thahnemtak fekhawm a nih.


Sunna hunser hi Pu Lalmuanpuia Punte, Vice president, Hmar Inpui, Mizoram region in keihruoiin Rev. Lalrotluong Darngawn, EFCI Regional Secretary, Mizoram region in hunser a hmanga, sungkuo aiawin famtah Pu Lalropui a pu, Pu Lalhmingthang in thuhrilna a nei.

Hi huna hin hnamthuoi hieng Pu J. Lalchhanhima, Vice President, Hmar Inpui, General Headquarters; Pu Lalvenhima Hmar, President, Hmar Inpui, Mizoram region; Pu L. Rothanglien Khawbung, President, HSA General Headquarters; Pu Hmingchungnunga, Chairman, SHDC le mi dang dang ha'n thurhilna neiin Pu Puia an inpamzie thu le an sun thu an hrila, hun lo takin fam mi lo changsan ta sienkhawm a thina hin Hmar nauhai inthuruolna leh malsawmna intlun ngei sien an nuom thu an hril.

Hi huna hin mipui fekhawm ha'n Pu Puia inzana le sunna inentirna'n 'Silent Prayer' nei a ni bawk.




Don't Miss
© all rights reserved
made with by Simon L Infimate