~ Jami Darngawn
✍ Ahmasan "Ram le Hnam damna dingin" ti thupui ziek/puong dinga hun țha le hriselna mi petu ei Lalpa Pathien chu inpakin um raw seh.
Awleh, tulai chu ka um anhawinaw khawp ela iem mani bak nei niin kan hriet, zana hai khawm ka in vat thei ngai naw leiin ramtin ka ngaituo hlak, zani zan chu YouTube ah sermon ngaithlak ka nuom leiin ka luta chutaka chun maktakin unau Kuki/Thadou ha'n Maicham an siemna hunser an hmangna ka hmu fuk hlau ela chu Maicham an siemna hun chu 2011 July ami a nih.
Ani dan taka chun kha Maicham an siemna hmun kha kan pu, kan pa hai Ram ani a, a hmun hming chu "Songpi" a nih. Songpi ti um zie chu "Lungpui" tina a nih. Keima ngei khawm hi (Songpi te Chanu) ka nih. Chu umzie chu "Lungpui hai naunu" tina a nih.
Awleh, tienlai chun kan pu hai chu an lal em ema kan Pu 'Semthong' chu Moirang Rengpa dawttu a nih an ti nghe nghe, kan naupang lai khan kan Ni (kan pu Semthong farnu) chun kan puhai inlal tak tak lai khan an ropui em ema, hla hiel a lo phuok khum dam kha a hril hlak a, tuchen hin kha hlathu kha ka la hriet zing a nih.
Ka pa nu, ka pi'n a mi hril ve thungna a chun ka'n pu hai in lal lai chun an in lal em ema Pathien thu hrila hung hai khawm an lo sawisa hlaka an Pathien thu hril ding khawm an phal ngai nawh, a tih. Chun, kan siengna ka pa hi Lalpa Thlarauvin ka pieng hma a'nthawkin nasa takin a lo hmang vea ZEL ah dam a lo um hlak a nih. Ka pân kan naupang lai chun sung inkhawmna kan nei pha hieng hin a hril hlak "Bawi hai, khawvela hin hausakna hai chang/dawng naw inla khawm Van ah Lalpa hausakna eiin țawmpui ding a nih" a ti hlak. Kan pu ha'n Pathien an lo hriet naw leiin le Pathien Rawngbawl tuhai an lo suk rimsiet leiin an thla hai chun malsawmna kan dawng ding angin kan dawng thei naw a nih. Amiruokchu kan pa hai hun a'nthawk chun Pathien kan hung hriet tah a Lalpa ta dingin kan thei tawkin kan inpek ve tah a nih.
Ka hung suk lang nasan chu hi hi a nih, keini sung chauh ni lova Kuki/Thadou Hnam pumpui damna dinga Țawngțaina tlang Maicham kan Ram ngeia indina lo um hi ropui ka ti hle. Amiruokchu a hmun ngeia vawikhat khawm ka la fe naw thung a nih.
Kuki Hnam damna dinga Maicham siem dinga Vision lo nei hai chu tu dang ni lovin unaunu Parchi le unaunu Mawii a nih.
(An ni pahni hi pakhat Halkha Hnam ana, pakhat chu Hmar a nih)
Ani ngei, kei ngei khawm hi Lalpa'n ka pa Hnam hai lai mi hmang lovin, ka pasal hnam Hmar hnam lai ami hmang nuom a nih ti chu ka chieng thawkkhat hle.
Unau Kuki/Thadou hai khang lawm lawma hnam rimsie le Hnam harsa hai hang ti el lang, amiruokchu tuhin lungril hmunkhat putin mi iem mani zatin lunginruol takin an suolhai thupha chawiin Lalpa Pathien hmaa an țawngțai hlak leiin Lalpa lsrael hai Pathien ei Pathien lung an suk awi deu tah ning a tih ie. Lalpa'n mal a sawm a nih ti chu kei mi mawl tak hriet/hmu thei dingin an um a nih. Lalpa ropui tak raw seh.
Chuongang bawk chun kei ngei khawm hi ka nuom le nuom naw thu ni lovin Lalpa Pathien thu kei ah a hung tlung a, ei Ram, ei Hnam, ei khawtlang, ei Kohran a damna ding chun lungril hmunkhat puta inthuruol taka Lalpa Pathien hmaa ei țawngțai ani chun Lalpa ei Pathien chun Mal A Mi sawm ngei ding a nih.
Jerimi 33:
3 “Kei mi hung ko la, lo dawn ka ti che a, thil ropui le nasatak i hriet naw hai chu inhmutir ka ti che.
6. Ngai ta u, hriselna le sukdamna intlungtir ka ta, anni chu sukdam ka tih; chun an kuoma chun thudik le thlamuongna tamtak chu suklang bawk ka tih.
April 13, 2018
✍ Ahmasan "Ram le Hnam damna dingin" ti thupui ziek/puong dinga hun țha le hriselna mi petu ei Lalpa Pathien chu inpakin um raw seh.
Awleh, tulai chu ka um anhawinaw khawp ela iem mani bak nei niin kan hriet, zana hai khawm ka in vat thei ngai naw leiin ramtin ka ngaituo hlak, zani zan chu YouTube ah sermon ngaithlak ka nuom leiin ka luta chutaka chun maktakin unau Kuki/Thadou ha'n Maicham an siemna hunser an hmangna ka hmu fuk hlau ela chu Maicham an siemna hun chu 2011 July ami a nih.
Ani dan taka chun kha Maicham an siemna hmun kha kan pu, kan pa hai Ram ani a, a hmun hming chu "Songpi" a nih. Songpi ti um zie chu "Lungpui" tina a nih. Keima ngei khawm hi (Songpi te Chanu) ka nih. Chu umzie chu "Lungpui hai naunu" tina a nih.
Awleh, tienlai chun kan pu hai chu an lal em ema kan Pu 'Semthong' chu Moirang Rengpa dawttu a nih an ti nghe nghe, kan naupang lai khan kan Ni (kan pu Semthong farnu) chun kan puhai inlal tak tak lai khan an ropui em ema, hla hiel a lo phuok khum dam kha a hril hlak a, tuchen hin kha hlathu kha ka la hriet zing a nih.
Ka pa nu, ka pi'n a mi hril ve thungna a chun ka'n pu hai in lal lai chun an in lal em ema Pathien thu hrila hung hai khawm an lo sawisa hlaka an Pathien thu hril ding khawm an phal ngai nawh, a tih. Chun, kan siengna ka pa hi Lalpa Thlarauvin ka pieng hma a'nthawkin nasa takin a lo hmang vea ZEL ah dam a lo um hlak a nih. Ka pân kan naupang lai chun sung inkhawmna kan nei pha hieng hin a hril hlak "Bawi hai, khawvela hin hausakna hai chang/dawng naw inla khawm Van ah Lalpa hausakna eiin țawmpui ding a nih" a ti hlak. Kan pu ha'n Pathien an lo hriet naw leiin le Pathien Rawngbawl tuhai an lo suk rimsiet leiin an thla hai chun malsawmna kan dawng ding angin kan dawng thei naw a nih. Amiruokchu kan pa hai hun a'nthawk chun Pathien kan hung hriet tah a Lalpa ta dingin kan thei tawkin kan inpek ve tah a nih.
Ka hung suk lang nasan chu hi hi a nih, keini sung chauh ni lova Kuki/Thadou Hnam pumpui damna dinga Țawngțaina tlang Maicham kan Ram ngeia indina lo um hi ropui ka ti hle. Amiruokchu a hmun ngeia vawikhat khawm ka la fe naw thung a nih.
Kuki Hnam damna dinga Maicham siem dinga Vision lo nei hai chu tu dang ni lovin unaunu Parchi le unaunu Mawii a nih.
(An ni pahni hi pakhat Halkha Hnam ana, pakhat chu Hmar a nih)
Ani ngei, kei ngei khawm hi Lalpa'n ka pa Hnam hai lai mi hmang lovin, ka pasal hnam Hmar hnam lai ami hmang nuom a nih ti chu ka chieng thawkkhat hle.
Unau Kuki/Thadou hai khang lawm lawma hnam rimsie le Hnam harsa hai hang ti el lang, amiruokchu tuhin lungril hmunkhat putin mi iem mani zatin lunginruol takin an suolhai thupha chawiin Lalpa Pathien hmaa an țawngțai hlak leiin Lalpa lsrael hai Pathien ei Pathien lung an suk awi deu tah ning a tih ie. Lalpa'n mal a sawm a nih ti chu kei mi mawl tak hriet/hmu thei dingin an um a nih. Lalpa ropui tak raw seh.
Chuongang bawk chun kei ngei khawm hi ka nuom le nuom naw thu ni lovin Lalpa Pathien thu kei ah a hung tlung a, ei Ram, ei Hnam, ei khawtlang, ei Kohran a damna ding chun lungril hmunkhat puta inthuruol taka Lalpa Pathien hmaa ei țawngțai ani chun Lalpa ei Pathien chun Mal A Mi sawm ngei ding a nih.
Jerimi 33:
3 “Kei mi hung ko la, lo dawn ka ti che a, thil ropui le nasatak i hriet naw hai chu inhmutir ka ti che.
6. Ngai ta u, hriselna le sukdamna intlungtir ka ta, anni chu sukdam ka tih; chun an kuoma chun thudik le thlamuongna tamtak chu suklang bawk ka tih.
April 13, 2018
