Responsive Ad Slot

Pherzawl Dist. FC vs Leisen FC Update

Friday, April 6, 2018

/ Published by Simon L Infimate
Saikot/CCPur, April 06, 2018, Virhli (ONP): The 15th Manipur State Level-Hmar Martyrs' Trophy football tournament Saikot Playground a um mek a chun April 5, 2018 dar 1:30pm a inkhelna a chun Manipur State Level a Hmar Martyrs' Trophy a lo suok tah hlak le ISL player khawm lo la tah hlak Leisen FC chun Pherzawl Dist. FC lakah 4-0 in hratna a chang. Pherzawl Dist. FC hi naupang tak tak hmatienga footballer inlar la ni thei ding awm hai promote-na remchang taka hmang khawm a nih a. Chun, mi á¹­hahnemngai le Pherzawl Dist. suk vul nuomtu haiin an indin a nih. Leisen FC ta dinga goal thuntu hai chu Surjakanta (17) 21", 39", 70" le Gena (13) 70" an nih.

Leisen FC tienga player tam tak chu club le tournament inlar tak tak a inkhel hlak an ni tawl a. Game á¹­an hlim a'nthawk iemani chen chu an inkhel a tutu tieng khawm a á¹­ha a, an hne bik taluo le a hratlem ding awm khawm hriet el thei an' nawh. Play khawm a en a'n hawi hle. Sienkhawm mak tak elin play a hung sawt deu deu a, Leisen FC in goal 1 an hung thun hnung sawtnawte a chun Pherzawl Dist. FC tieng chu an la naupang bawk leh senior player hai lakah an hung zam met a, entu mipui an tam bawk leiin game chu a tawp tieng lem chu Pherzawl Dist. FC player hai ta ding chun hratna khawp a changpar a lo in tak ni mei a tih. Ieng po khawm nisien Pherzawl Dist. a pieng hnunga Pherzawl Dist. hming chawia play hmasak player hai an ni leiin history an siem ve phawt chu a lo ni tah. Anni pahni hi Pherzawl Dist. sunga mi Football Club ve ve an nih.

Pherzawl Dist. FC next match chu Apr. 12, 2018 dar 3:00pm ah Yo Yo Bros. (KMT), Muolvaiphei leh inkhel an a, April 20, 2018 in Saikot YC (B) leh dar 1:30pm ah inkhel an tih. An next play ah á¹­hang hung la nasa ngei an ta, a en inhawi hle ding a beisei an lo ni der tah.

Pherzawl Dist. FC chun an fans le supporter hai chunga le an mamaw chi tum tum phurhruktuhai chung ah lawmthu an hril a, anni hi Truck á¹­hangin Motor lien le chin chi tum tum miin phal tak tak ha'n an tum pek a nih.

Pherzawl Dist. FC inkhel hma hin Pu Ramsangthang Infimate Chief of Pherzawl le Pu Lalmalsawm Chief of Muolbem ha'n thuhrilna hun an hmang a, Pathien kuoma á¹­awngá¹­aina Rev. Lalsiemthar @fb JC Lalsiemthar in a nei a nih.

Don't Miss
© all rights reserved
made with by Simon L Infimate