Muolhoi High School Hostel bawl thar nawk ding

Muolhoi, April 25, 2018, Virthli (ONP): Karbi Anglong Region le Indigenous Students Forum (ISF) ṭhuoituhai hmalâkna zârin kum tam tak el Muolhoi High School Hostel tawp tak le bawl ṭhat ngai ngirhmuna lo um ta chu bâwl thar nawkna dingin vawituk khan Upa H.L Sanga Neingaite, President, Muolhoi Village, chun Pathien kuomah lawmthu hrilna le det taka inngîrsuok ngei ani theina dingin, Foundation Stone phûmna a nei.

Hi hunser hi hnam thuoitu pawimaw tak tak-Hmar Inpui thuoitu, ISF thuoitu, HPU NC Hills ṭhuoitu, Assam Hills HSA Jt.Hq ṭhuoitu, HYA NC Hills JHQ, Muolhoi Vâlupa ṭhuoitu, Muolhoi VDP ṭhuoitu, Muolhoi HS staff le mipawimaw ṭhenkhatin programme hi an tawiâwm a nih.

Hi hostel hi Ministry of Minority Affairs - Multi-sectoral Development Programme (MsDP) hnuoia bawl a ni ding a nih. Thuoitu haiin hi Hostel hi inchûklai naupang tam takin an hlawkpui ngei an beisei thu an hril.