Parbung, 29 Thlaṭau/March, 2018, Virthli (ONP): Parbung, 29 Thlaṭau: John S/o Thansiem, Parbung khuo, Pherzawl Dist. Thlaṭau (March) 29, 2018 zingkar khuontevik a an unau a sapêl a fe chu a sangpa Ramṭhasang-in zawng sawnin a kap a, Tlangval John hi a hmun ah a thi nghal a hril a nih a, sienkhawm a khawhnungin a lo la dam thu hriet nawk a ni tah. An in sukpalna hi Mimkeilien, Tuibum hnar tieng nia hril a nih. Thil umdan tak chu chanchin an hriet ang dungzuiin Parbung khawtlang mipui le tlawmngai hai a ruong la dingin an inthawk suok a, chu taka thil hung um nawk dan chu hieng ang hi a nih.
John a ruong lâk dinga fe Parbung nunghak le tlangval haiin an zâwn tâwm an enchiengna ah a so a lo la um leiin damte tein an zawn a CHC Parbung panpui nghal a nih. Khawsûng tieng khawm a thi anga chanchin an dawng leiin mithi inlêng, thlân cho dingin an inthawk hman tah a, mithi dâr khawm an vuok hman a hril a nih.
A thi anga hril kha, a la thi naw a CHC Parbung ah zawn lut le panpui a ni hnungin, a lu ah silaimu pathum vel lakdawk niin vangnei thlak takin a luru le thluok a tawk pawi naw a, tuhin oxygen pein damdawiin ṭhalem panpui dingin CCPur tieng phur tum/mek niin chanchin ei dawngna nuhnungtak chun a hril.
Pherzawl Dist. sunga hmun tam tak ah inbiekpawna a harsa leiin nuom angin chanchin inhrietpaw le peksuok a harsa hle a. Hi thil khawm hi mipui le sawrkar thuneitu hai hmalakna dinga pawimaw em em el a nih. Kawng tam tak ah Pherzawl Dist. chun harsatna a tuok zing bawk a nih.
John a ruong lâk dinga fe Parbung nunghak le tlangval haiin an zâwn tâwm an enchiengna ah a so a lo la um leiin damte tein an zawn a CHC Parbung panpui nghal a nih. Khawsûng tieng khawm a thi anga chanchin an dawng leiin mithi inlêng, thlân cho dingin an inthawk hman tah a, mithi dâr khawm an vuok hman a hril a nih.
A thi anga hril kha, a la thi naw a CHC Parbung ah zawn lut le panpui a ni hnungin, a lu ah silaimu pathum vel lakdawk niin vangnei thlak takin a luru le thluok a tawk pawi naw a, tuhin oxygen pein damdawiin ṭhalem panpui dingin CCPur tieng phur tum/mek niin chanchin ei dawngna nuhnungtak chun a hril.
Pherzawl Dist. sunga hmun tam tak ah inbiekpawna a harsa leiin nuom angin chanchin inhrietpaw le peksuok a harsa hle a. Hi thil khawm hi mipui le sawrkar thuneitu hai hmalakna dinga pawimaw em em el a nih. Kawng tam tak ah Pherzawl Dist. chun harsatna a tuok zing bawk a nih.
